منتدى الأميرة
افلام عربى افلام اجنبى افلام هندى افلام اكشن افلام رومانسيه برامج الحمايه برامج المديا برامج التصميم برامج الصور العاب بنات العاب حربيه العاب بلاىستيشن العاب اكشن العاب زكاء اخبار رياضيه اخبار الأهلى


افلام عربى, افلام اجنبى, افلام هندى, افلام اكشن, افلام رومانسيه, برامج الحمايه, برامج المديا, برامج التصميم, برامج الصور ,العاب بنات ,العاب حربيه , العاب بلاىستيشن, العاب اكشن, العاب زكاء, اخبار رياضيه
 
الرئيسيةالبوابةالتسجيلدخول


شاطر | 
 

 الفــشلــــ امــ النـــجـــــــــاح .... ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nono
مشرفة عامة
مشرفة عامة


برجي هو : برج الدلو
انثى
عدد المساهمات : 5326
نقاط : 7396
السٌّمعَة : 68
تاريخ التسجيل : 29/09/2009
المزاج المزاج : رومانسية

مُساهمةموضوع: الفــشلــــ امــ النـــجـــــــــاح .... ؟؟؟   الخميس أبريل 22, 2010 4:30 pm




الفـــــــــشـــل





امـــــــ

النــجـــــــــــاح





هل شعـــــرت مرة بالإحباط ؟

هل اعتقدت مرة إنك جربت كل الطرق الممكنة عشان توصل لحاجه معينة، وفشلت في
كل مرة.. وده خلاك تشعر باليأس وتتوقف عن المحاولة ؟

ناس كتير مننا بيجربوا الفشل.. ولما ده يتكرر بيعتقدوا إنه مؤشر لأنهم غير
ناجحين في حياتهم.. وإن أفضل طريقة عشان يتوقفوا عن الشعور بالإحباط هو أن
يتوقفوا تماما عن المحاولة.. ويرضوا بالأمر الواقع.

إيه الموضوع ده بقى ؟


طيب.. عشان نعرف إيه الحكاية تعالوا نعرف إيه هو النجاح بالضبط ؟؟؟

ما النجاح ؟

فيه تعريفات كتير للنجاح.. لكن التعريف اللي أقنعني فعلا هو التعريف التالي
:
(النجاح هو القدرة على الانتقال من فشل إلى فشل دون أن تفقد حماسك)

"ونستون تشرشل"

خدت بالك من المقولة دي ؟

لو قرأت قصص الناجحين في أي مجال هتكتشف حاجة غريبة قوي.. هتلاحظ إن أي شخص
ناجح في أي مجال مر بسلسلة من الفشل في بداية مشواره.. لكنه كمل محاولاته
لحد ما وصل للنجاح اللي وصل له ..

يعني الفرق بين الناجح والفاشل هو إن الفاشل توقف عن المحاولة وشعر باليأس
.. لكن الناجحين مابيعرفوش الشعور ده ..

ناخد مثال على الموضوع ده ..

"توماس أديسون" والمصباح الكهربائي


كتير من الناس بيعتبروا "توماس أديسون" من أكثر
العلماء اللي أثروا في حياتنا باختراعاتهم.. لأن ماحدش فينا يقدر يتخيل
الحياة من غير المصباح الكهربائي..

"توماس أديسون" يعتبر فعلا من أهم العلماء في
تاريخ الإنسانية وله أكثر من براءة اختراع .. لكن هل تعلم أنه مر بسلسلة
مريعة من الفشل قبل اختراع المصباح الكهربائي ؟

حاول "توماس أديسون"
وأجرى العديد من التجارب لأنه كان يؤمن بفكرته.. فكرة إنه يخترع حاجة
بتنور..

وتكررت تجاربه الفاشلة حتى وصلت إلى 9999 تجربة..
تخيل !! ؟؟


وفي حديث مع وسائل الإعلام سأله أحدهم:

"سيد أديسون.. لقد فشلت 9999 مرة، إنت فاشل عالمي..
لماذا لا تتوقف عن هذه التجارب الفاشلة ؟"


عارفين كان رده إيه ؟؟

قال "توماس أديسون":

(الفاشلون هم أناس لم يعرفوا كم كانوا قريبين من
النجاح حين توقفوا!!)

شايف الكلام ؟

يعني لما تجرب كل الطرق الممكنة عشان توصل لهدفك .. قبل ما تشعر باليأس
وتتوقف اعرف إنك قربت جدا من هدفك ..


ممكن تكتشف إنك توقفت قبل ما توصل لهدفك بخطوة ..

هاقول حاجة صغيرة..
فيه حكيم صيني قال:

(حينما ينغلق أمامك باب الأمل.. لا تتوقف لتبكي أمامه
طويلا.. لأنه في هذه اللحظة انفتح خلفك ألف باب ينتظرون أن تلتفت لهم!!)


لما تلاقي نفسك يئست اعرف إن نجاحك قرب .. لما تلاقي فشلك تكرر اعرف إنه مش
فشل.. بل تجارب ستسفيد منها في المرة القادمة لتصل إلى هدفك..
جرب بنفسك

لحظة من فضلك !!!!!...ممكن

هاقول لك حاجة تجربها:
اقعد في مكان هادي وغمض عينيك..( متنامش طبعا)
فكر في فشل حصل لك في أي موقف في مواقف حياتك ..

فكر بينك وبين نفسك :

هل لو حصل لك دلوقتي (في الزمن الحالي) هذا الموقف.. هل هتتصرف بنفس
الطريقة أم ل لا ؟؟
هه؟؟
أكيد لأ.. مش كده ؟

عارف ليه ؟

عشان التجربة دي علمتك وخلتك أقوى وأكثر خبرة .. تبقى مش فشل ..!

أيوه .. هي دي الحقيقة .. لو عايز تشوف نفسك فاشل هتشوف نفسك فاشل فعلا..
إنما لو عايز تستفيد من كل المواقف اللي حسيت إنك أخفقت فيها.. هتلاقي جانب
مضيء ماكنتش واخد بالك منه .. وهتستفيد من تجارب حياتك بدل ما تخليها
تضرك..

الخلاصة

مافيش حاجة اسمها فشل ..

فيه حاجة اسمها تجارب اتعلمنا منها، وهتخلينا نمشي في الطريق الصح ..
ومانغلطش نفس الأخطاء بتاعتنا..

ماتخليش أي حاجة تخليك تتوقف عن المحاولة .. التجارب غير الناجحة دي مجرد
خبرات اتعلمنا منها ازاي نكون أفضل .. خليها حافز للاستمرار مش مبرر للتوقف
عن المحاولة... ممكن تكون قربت جدا وفاضل لك خطوة .. لكن الإحباط خلاك
تتوقف قبل هدفك بسنتيمترات !

- حاولت تحقق هدفك وجربت أكتر من مرة لحد ما
يئست ؟

- دورت على وظيفة ومالاقتش، فتوقفت عن المحاولة ؟

كان لك حلم وبطلت تسعى ليه، لأن حد أقنعك إن مافيش فايدة ؟


كتير من التعليقات اللي هتيجي على المقال ده هتقول إن مافيش فايدة ومافيش
أمل والكلام اللي اتبرمجنا عليه .. ماتسمعش الكلام ده وخليك ماشي في طريق
نجاحك..

الناجحين أقل من الفاشلين .. لأن النجاح صعب مش عشان أي حاجة تانية .. اللي
يقول لك إن مافيش فايدة، اعرف إنه مستسلم ومش عايز يبقى من القلة الناجحة
في الحياة.. لأن الناجحين مابيعرفوش الكلمة دي ..

معظم الناجحين في مصر أو غيرها .. كانت الظروف ضدهم وفشلوا كتير (فكر في
الأمثلة اللي تخطر على بالك) .. لكنهم ماستسلموش ..

هو ده الفرق ..

لو المستسلمين دول أحبطوك وحسسوك إن النجاح مستحيل .. يبقى اقرأ هذا المقال
مرة أخرى ...

وخليك فاكر

احنا بنعيش في الدنيا دي حياة واحدة بس
..

خليها تبقى أفضل حياة ممكنة



واخيرا مع بعض الكلمات ..


الفشل ... هى نقطة التحول فى حياة الانسان عندما يعى
جيداً
انه ..

على بعد خطوات قليلة من
النجاح وهو لا ..... يدرى

فلابد ان تدرى وتعى جيداً ان الفشل ...........
هو
بداية النجاح

الفشل هو
كائن معنوى يعلمك كيف تكون تجربتك فى المرة القادمة

فلا بد ان تسمع له جيداً .
ولا تتركـــه

وحاول ان تجرب بشتى الطرق الاخرى ...
ولأنه

مضى الكثير من المحاولات السابقة .....
فأصبر

قد مضى الكثير ولم يتبقى ...... الا
القليل

لو ان الفشل هذا انسان ........
لقبلته

لانه
معلمى الذى اتى الى بدون ان اترجاه ........

فقط هو اتى ..... ليعلمنى
كيف احاول مرة اخرى

هو يذكرنى ماذا فعلت فقط .....
كى اتذكر بأن لا اسير فى المحاولة
الماضية

ولتكون محاولاتى جديدة .. ايجابية ....


الفشل قد اخرج علماء ومخترعين ورؤساء الى العالم وقد عرضهم علينا



كمثال ظاهر ....... وكانه يقول انظر الى هؤلاء ... لايختلفون عنك
بشىء

الفرق الاوحد انك قد تركت طريقك ولم تمضى فى محاولاتك فأجعلهم مثل لك تحتذى
بهم


فى محاولاتك


اعرف ان الفشل والنجاح وجهان لعمله واحدة ....

لأن الفشل
المعلم والنجاح هو النتيجة المثمرة

فقط ادر ظهرك للنجاح


لولا النهار .........
ماكان الليل

لولا العذاب .........
ماكانت الراحة

لولا الحرارة .........
ماكانت البرودة

لولا الحزن ..........
ماكانت السعادة

لولا الامس .........
ماكان الغد

لولا الاصرار .........
ماكان التقدم

لولا الفشل ........
ماكان النجاح


دمتم بكل الود



الرجوع الى أعلى الصفحة اذهب الى الأسفل
هالة محمود
Admin
Admin


برجي هو : برج السرطان
انثى
عدد المساهمات : 10835
نقاط : 17167
السٌّمعَة : 114
تاريخ التسجيل : 19/07/2009
الموقع : www.elamira.banouta.net
المزاج المزاج : كوووووووووووووووووووول

مُساهمةموضوع: رد: الفــشلــــ امــ النـــجـــــــــاح .... ؟؟؟   الخميس أبريل 22, 2010 8:34 pm

اي فشل بالصبر واعادة التفكير السليم في سبب الفشل

يتخول لنجاح ان شاء الله

مشكورة نونو على الموضوع الجميل






الرجوع الى أعلى الصفحة اذهب الى الأسفل
http://elamira.banouta.net
nono
مشرفة عامة
مشرفة عامة


برجي هو : برج الدلو
انثى
عدد المساهمات : 5326
نقاط : 7396
السٌّمعَة : 68
تاريخ التسجيل : 29/09/2009
المزاج المزاج : رومانسية

مُساهمةموضوع: رد: الفــشلــــ امــ النـــجـــــــــاح .... ؟؟؟   الجمعة أبريل 23, 2010 1:36 am

بانـــــــــدة الإسكندرية كتب:
اي فشل بالصبر واعادة التفكير السليم في سبب الفشل

يتخول لنجاح ان شاء الله

مشكورة نونو على الموضوع الجميل



الرجوع الى أعلى الصفحة اذهب الى الأسفل
أمير الحب



برجي هو : برج العذراء
ذكر
عدد المساهمات : 4750
نقاط : 5764
السٌّمعَة : 31
تاريخ التسجيل : 19/08/2009

مُساهمةموضوع: رد: الفــشلــــ امــ النـــجـــــــــاح .... ؟؟؟   الإثنين أبريل 26, 2010 11:54 pm

مشكورة نونو على الموضوع الرائع

تسلم ايدك





منتدى الأميرة
الرجوع الى أعلى الصفحة اذهب الى الأسفل
nono
مشرفة عامة
مشرفة عامة


برجي هو : برج الدلو
انثى
عدد المساهمات : 5326
نقاط : 7396
السٌّمعَة : 68
تاريخ التسجيل : 29/09/2009
المزاج المزاج : رومانسية

مُساهمةموضوع: رد: الفــشلــــ امــ النـــجـــــــــاح .... ؟؟؟   الأربعاء أبريل 28, 2010 1:30 am

ميرسي يا امير


الرجوع الى أعلى الصفحة اذهب الى الأسفل
 
الفــشلــــ امــ النـــجـــــــــاح .... ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الأميرة  :: المنتدى الطبي :: المنتدى الطبي العام-
انتقل الى: