لو,عايز,تشتري,من,الإنترنت,..,إسمع,نصيحتي , لو عايز تشتري من الإنترنت .. إسمع نصيحتي
مرحباً بكم إخواني وأخواتي الكرام
كل سنة وانتم جميعاً بخير وبسعادة وبسلامة
ناس كتير أتكلمت معاهم وكانوا عايزين يشتروا من الإنترنت وكنت بنصحهم بشكل شخصي ,لكن فكرت إني المفروض أعمل موضوع عشان جميع أعضاء منتديات كلام عربي تستفيد منه
أحياناً بعضنا بيحتاج يشتري من الإنترنت ,يعني انا عن نفسي بدفع مصاريف حاجات كتير من خلال الإنترنت وعلي سبيل المثل انا عندي الإنترنت تبع شركة Link Dot Net وبدفع إشتراكي الشهري من الإنترنت
مش كدا بس لا دا انا كمان بدفع فاتورة التليفون من الإنترنت ودا تبع موقع الشركة المصرية للإتصالات
ليه بدفع وبشتري من الإنترنت ؟
عشان أسهل من إني أروح لأي فرع وعشان أوفر وقت وعشان أدفع في وقت منا عايز سواء بالييل او الصبح
ومش بس كدا دا كمان كل شيء بيمشي بأمان بنسبة 100% بإذن الله
طبعاً عشان أقدر أشتري أي حاجة من الإنترنت سواء من موقع عربي أو من موقع عالمي لازم يكون معايا فيزا إنترنت
انا هتكلم بما إني مصري فكان قدامي زمان خيار جيد وهو فيزا إنترنت بنك مصر
الفيزا دي جميلة وهذكرلكم مميزاتها وعيوبها بالكامل
1- دعم لمعظم المواقع (ونحط خطين تحت معظم وليس كل)
2- ثمن الفيزا هو 15 جنية مصري وبتستلم الفيزا بعد 15 يوم بعد مبتعملها وبتتعمل في أي فرع لبنك مصر ومش هيحتاجوا غير صورة بطاقتك
3- طبعاً ممكن تعمل الفيزا ومتسيبش فيها فلوس انت حر ,لكن لما هتيجي تحط فيها فلوس هتتفعل في الفيزا بعد مرور 24 ساعة علي الأقل ,يعني لو حطيت فلوس النهاردة لازم تنتظر لبكرة بالييل عشان الفلوس تكون أتفعلت في الفيزا وتقدر تستخدمها
4- الدعم الفني سيء (مش سيء جدا لكن هو علي أد حالة)
5- مدة إنتهاء الفيزا بعد سنة كاملة ولو لسه ليك فلوس في الفيزا بتقدم طلب وبتستلم فلوسك بعد 10 أيام
6- ما يميز هذه الفيزا إنه يتم خصم مبلغ بسيط جداً (بضعة قروش) علي أي عملية تقوم بإجرائها ,يعني تقريباً 1 قرش علي كل جنية
طبعاً انا عملت فيزا كذا سنة مع بنك مصر لكن بيني وبينكم كان فيه مشكلة إني مش قادر أشتري من كل المواقع عشان كدا قولت أجرب فيزا البنك العربي الأفريقي وعايز أقولكم إنها أفضل فيزا إنترنت ممكن تحصل عليها ودي مميزاتها وعيوبها مع إني مش شايفلها اي عيوب
1- دعم الفيزا لكل المواقع إلي قابلتها ,حتي شركة لينك دوت نت والكثير من المواقع لا يتعاملون إلا معها هي فقط
2- ثمن الفيزا هي 10 جنية مصري فقط وبتستلمها في نص ساعة وبردوا مش هتحتاج غير بطاقتك عشان تعملها
3- الفلوس بتتفعل في الفيزا بعد 5 ساعات فقط أو اقل لما بتحط فيها فلوس يعني تحط الفلوس من هنا وتصبر شوية هتلاقيها أتفعلت مش زي بنك مصر
4- الدعم الفني أكثر من ممتاز ويقوم بالإتصال بك لتأكيد أي عملية شراء قمت بها قبل تنفيذها ,لكن بنك مصر مبيعملش كدا
5- مدة إنتهاء الفيزا 3 سنين وسيتم إرجاع أي فلوس في الفيزا بعد إنتهائها لك في نفس اليوم
6- يتم خصم مبلغ أعلي نسبياً عن بنك مصر وهو تقريباً 2 قرش علي كل عملية او أقل
من الأخر يا جماعة أنا مرتاح جداً مع البنك العربي الأفريقي في المعاملة المتحضرة مش زي بنك مصر كنت كل ما أروح هناك ألاقي زحمة علي الأخر ,لا البنك العربي الأفريقي بتروح تلاقية هادي وفيه سرعة في المعاملة وسهولة في إستخدام الفيزا وهتقدر تشتري أي حاجة من أي حتة في أسرع وقت
بجد الفيزا دي عملت معادلة رائعة للتعامل والشراء علي الإنترنت
أتمني يكون الموضوع فادكم وتقبلوا جميعاً كل التقدير لكم
المزاج
