إللي يعادينا مين ؟

وإللي يعادينا مين ؟

30 سنة خرصونا
طرشونا وعمونا
وبكل عين قوية
يقولوا إنتو حاقدين
وإللي يعادينا مين ؟

ف مدارس علمونا
م الجامعة خرجونا
ع القهوة قعدونا
وبقينا مهيسين
وإللي يعادينا مين ؟

الغلة إستوردوها
بالسوسة سرطنوها
وأكلها الغلبانين
وبقينا مسطرطنين
وإللي يعادينا مين ؟

ودونا الإسبتالية
كشوفات وتحاليل
ولقينا إللي عالجونا
حبة مهندسين
وإللي يعادينا مين ؟

شركتنا خصخصوها
للصهيوني باعونا
يبيعنا ويشترينا
بشوية ملالين
وإللي يعادينا مين ؟

فلوسنا هربوها
ف سويسرا أودعوها
وسابونا ع الحديدة
نكفر ونسب الدين
وإللي يعادينا مين ؟

لا شغلة ولا مشغلة
كرامة متبهدلة
عيشة متأندلة
وبقينا أميين
وإللي يعادينا مين ؟

ف الغم عجنونا
م الهم كبرونا
ودماغنا عليناها
وبقينا محششين
وإللي يعادينا مين ؟

شرطتنا أفسدوها
ضمايرهم إشتروها
يلفقوا القضايا
وإسأل المسجونين
وإللي يعادينا مين ؟

ولما قلنا جاي
بالبانجو حشتونا
وإسأل خالد سعيد
قتله بلوكامين
وإللي يعادينا مين؟

وتدخل ع المكاتب
ما يكفيهم رواتب
يفتح الدرج يقولك
جعلونا مرتشين
وإللي يعادينا مين؟

إنتخابات زوروها
بلطجية وربوها
م اللحمة جوعوها
ع الشعب مطلوقين
وإللي يعادينا مين ؟

قال الشباب السيس
حسني مش الرئيس
الشعب دة يريد
مصر للمصريين
وإللي يعادينا مين ؟

الجيش إيده معانا
ف حماه وف حمانا
وكان الله ويانا
وطردنا الشياطين
وإللي يعادينا مين ؟

ولأول مرة ف بلدي
نختار الحق يعدي
بالعند ف ماما أمريكا
إختارنا المسلمين
وإللي يعادينا مين ؟

قطعنا راس الحية
فاضل بس الحرامية
وأعضاء الحزب الواطي
لسة متزعمين
وإللي يعادينا مين ؟

عايزين يبردعونا
بالجبهة يخربونا
مرسي جاي بالصندوق
وإبعد إنت ياحمدين
وإللي يعادينا مين ؟

بأموالنا اللي نهبوها
وبعقولنا اللي غلبوها
بيضربوا في إخوانا
إللي موحدين
وإللي يعادينا مين ؟

أخيرا يامفسدين
دي بلد المصريين
فطرتهم مسلمين
مع مرسي مكملين
وإللي يعادينا مين ؟


بقلمي
باندااا الاسكندرية
هالة محمود
23/4/2013