هل تكره البنات

هل تكره البنات ؟؟ تعال وحتغير رأيك ..

معلمة في أحد المدارس جميلة وخلوقة سألوها زميلاتها في العمل لماذا لم

تتزوجي مع انك تتمتعين بالجمال ؟

فقالت : هناك امرأة لها من البنات خمس فهددها زوجها إن ولدت بنت

فسيتخلص منها وفعلاً ولدت بنت فقام الرجل ووضع البنت عند باب المسجد

بعد صلاة العشاء وعند صلاة الفجر وجدها لم تؤخذ ، فاحضرها إلى المنزل

وكل يوم يضعها عند المسجد وبعد الفجر يجدها ! سبعة أيام مضت على هذا الحال ، وكانت والدتها تقرأ عليها ...

المهم ملّ الرجل فاحضرها وفرحت بها الأم .. حملت الأم مرة أخرى وعاد

الخوف من جديد فولدت هذه المرة ذكراً ، ولكن البنت الكبرى ماتت ، ثم

حملت بولد آخر فماتت البنت الأصغر من الكبرى !!

وهكذا إلى أن ولدت خمسة أولاد وتوفيت البنات الخمس …!!

وبقيت البنت السادسة التي كان يريد والدها التخلص منها !!

وتوفيت الأم وكبرت البنت وكبر الأولاد .

قالت المعلمة أتدرون من هي هذه البنت التي أراد والدها التخلص منها ؟؟

إنها أنا

تقول لهذا السبب لم أتزوج لأن والدي ليس له أحد يرعاه وهو كبير في

السن وأنا أحضرت له خادمة وسائق أما إخواني الخمسة الأولاد

فيحضرون لزيارته ، منهم من يزوره كل شهر مرة ومنهم يزوره كل

شهرين !! أما أبي فهو دائم البكاء ندما على ما فعله بي ...

فعلا يا امير .. البنات احباب الله شكرا لمرورك الغالي

اوافقك رايك طبعا يا باندة .. لو كملتي مش حا تنتهي , امال لو زودتي الرقعة ودخلتي

على لبنان وسوريا وتونس ..الخ حاتخلصي امتى الكلام .. انا قلت انكم البهجة و السلوي

على وجه الارض ... مبسوطه كده يا باندة .......

فعلا يا هيرو الدنيا من غير بنات مش دمها تقيل وبس , دي مش

حيكون عندها دم خالص هههههههههههههه .. اطمن انا حاسس بيكوا

واي شئ يكون في قلبك أوله على طول , ولو متردد ,أولي وانا بدالك

اأوله وممكن أزود عليه شوية كمان .......

صديقي و حبيبي الحافي ... بصراحة انا أريت رسالتك , تلت مرات , لاني احترت , انت بتتكلم
جد ولا هزار ؟ .. انا حاعلق على كلامك في الحالتين ....
اذا كان هزار : اهلا بهزارك .. لأن ده إعتراف منك إن البنات نسمة حياتنا اللي من غيرهم
تكون حياة مملة ودمها تقيل , مهما نكون شايلين همهم من يوم ولادتهم لغاية جوازهم .. مع
ان الولاد الايام دي همهم بأه اكتر , لانهم بعد ما بيتجوزوا برضه شايل هم ابنك وهل قادر
يكمل بيته لو كان مرتبة مش كبير , وفي الحالة دي حتطر تساعده شهريا .. يعني برضه ما
خلصتش من همه ... .....
أما اذا كان كلامك جد .. فده مالوش غير معنى واحد عندي , وهو انك واخد زونبه من واحده
بنت زمان , مخلياك بتكره البنات واللي يجيبوا سيرة البنات .. وانا بقول هو ليه الحافي بيكرهني
كده مع اني ماعملتلوش حاجه ؟ هههههههههههههههههههههههههه ...
متهيألي ان كلامك ده هزار , احسن لو جد , تبأه وحشه في حقك اوييييييييييييييييي . هههههههههه
أهو انا الوقتي مديك فرصة ترجع في كلامك , عشان بحبك ..أيه رأيك بأه ؟؟؟؟

تسلم ايك يا دكتور على القصة الجميلة بجد اثرت فيا جدا

شكرا ليكي يا وردة الحب .. سعدت بأول تعليق ليكي عندي .. ربنا يحفظك ..

اشكرك جدا على كلامك اللذيذعليا .. ربنا يخليك ياحافي وما يحرمني

من كلامك الحلو ده .. متأسف اني ما رديتش عليك بسرعة , كان عندي

محاضرة , ولسه راجع وفاتح المنتدى .. طبعا اكيد العيب مش فيك زي

مابتأول , بس الحكاية انك لسه ما شوفتش البنت اللذيذة الامورة ,

واللي تخليك تغير رأيك , بس أؤكد لك يا باشا إنهم موجودين وكتير

كمان , وانا مش أصدي طبعا أأوم البنات عليك , لانهم آيمين عليك

أصلا ههههههههههههههههه , أما عن سؤالك , فإجابتي سهلة وواضحة

ومش حكسف ولا حاجه , طبعا وطبعا وطبعا أرجع لحياة العزوبية اللذيذة

اللي كلها حرية و إنطلاق وعدم مسئولية... بس خللي بالك , مش معنى

كده إني أغير رأيي في البنات ,أحسن تفهمني غلط , لان انا عرفت إن

البنات ألذ خلق الله , ومهمين اوي في حياتنا, قبل ما اعرف مراتي ,

يعني و انا عازب .. ولما اتجوزت رأيي فيهم ماتغيرش , بل تأكد جدا

خصوصا بعد ما لينة اتولدت , لانها خلت حياتنا أحلى و أجمل وبهجتنا

في دنيتنا .. أنا بقولك يا حافي تجربتي اللي مريت بيها , وكمان

أدامي تجارب اصدقاء و معارف تجاربهم بتأكد كلامي ....

أنا بدعيلك صديقي الحبيب الحافي , انك تلاقي و تشوف البنت اللي

تخليك تغير رأيك في صنف البنات عموما , لاني ملاحظ انك دايما تئول

إن ده رأيك ومش حتغيره ..ليه كده يكون رأيك قاطع وحاد كده ...

أسمع كلام واحد بيحبك أوي , خليك مرن شوية و بلاش تعصب في رأيك ...

أنا فعلا سعيد بيك جدا يا حافي , ولما بكتب لك , الاقي ايدي شغاله

كتابه ومش عاوزه تتوقف وباقاوم استمرار الكتابه وإلا المنتدي

حيتوقف علينا انا وانت بس ...