عفوا ايهما افضل عانس ام مطلقة

السلام عليكم ورحمه الله وبركاتة
الاخوة والاخوات
تحية طيبة وبعد
كنت انا وصديقة لى نتحادث فى مشكلة قريبة لها
تقدم لها عريس ولا تشعر انة مناسب لها
واختلافنا فى الاراء فهى ترى ان توافق علية معللا ذلك بانة عريس جيد
وابن حلال وان البنات مش لاقية عرسان لانة الشباب مفيش معاهم امكانيات للزواج
قلتلها
يعنى هى تتزوج واحد مش حساة ومفيش قبول
قالى ومالة مش احسن ماتقعد من غير جواز
قتلة يعنى تتجوز واحد مش حباه وبعد شهرين ثلاثة تتطلق
قالتلى مطلقة احسن من عانس
قلتلها ياسلام
ازاى يعنى انتى مش عارفة ان المجتمع ونظرتة للمطلقة
قالتلى يعنى هو المجتمع بيكتب شعر فى العانس
المهم
وصلنا انا وهى لحلقة مفرغة من النقاش
هى مقتنعة تماما ان البنت لما تتجوز واحد مش بتحبة ولا حسة بية
احسن من قعدتها عانس بدون زواج وبلاش البنات تتامر وبلاش شغل دلع
وانا راى انة البنت لو تانت وتروت فى الاختيار احسن الف مرة من الزواج وبعدها طلاق
او خلافات ومشاكل
وانة لو البنت لو قعدت لاقدر الله بدون زواج
افضل من الزواج يتبعة طلاق
انتم اية رايكم
منتظرة منكم رد وتفاعل ومين الصح ومين الغلط؟

والله موضوع رائع ومحير فى نفس الوقت

بس انا هقولك وجهة نظرى

ممكن تكون صح وممكن تكون غلط

انا من وجهة نظرى ان البنت تشوف مصلحتها فين

بدل متفضل عانس وتقعد كده عليها ضغوط الدنيا والأخرة

تتجوز الشخص ده مخش ممكن يطلع شخص كويس جداا ومحترم

اوقات كتير بنقول على حجات كتير لأ وفى الأخر تطلع صح

الشاب لما يقبل على الزواج لازم يختار كويس

لأن الزوجه هيه مستقبل المكان الى هتعيش فيه

هيه الى معاها كل امور البيت

علشان كده لازم الشاب يختار كويس

لاكن بالنسبه للبنت زى مقلت على الشاب هيه الى معاها كل الأمور

لو اتجوزت واطلقت يبقى اكتسبت خبرة من الحياه

يبقى جربت حجاه كل انسان بيحلم بيها

انه يكون عنده بيت واولاد واسرة

بعكس متكون البنت عانس

هيكون عندها ضغوط كتييييييييييير

اولا ضغوط نفسيه

هوه انا ليه متجوزتش لحد دلوقتى

كل اصحابى اتجوزو الا انا

وتبدا تشك فى نفسها

وثانيا ضغوط البيت

والأب والأم

وضغوط اصحابها المتجوزين بكلامهم عن السعاده الى عايشنها

وضغوط الشيطان عليها

من كل الجوانب

اللبس

الكلام مع الشباب

الخروج

كل حاجه

وفى النهايه

يحصل الأنحراف والعياذ بالله

انا اسف جدا انى طولت

اتمنى ان وجهة نظرى تكون وصلت

الموضوع ياتوتا برضه كبير

البنت لازم تكون زكية

يعني لحد سن معين تبحث عن الزواج عن حب ويكون لها حرية الاختيار

والسن دة هو 25 سنة

اما بعد 25

تبدأ تفكر بعقلها وتحاول تختار افضل العروض المتقدمة لها حتى لو لم يوجد الحب

لانها ان وصلت لسن ال 30

سيكون عليها قبول افضل العروض السيئة المتقدمة لها

ولانها ان وصلت لسن 40

سيكون قيولها لاي عرض هو عبارة عن عمل مقنع

بمعنى ان المنتقدم لها لن يكون الغرض من تقدمه انه يريد زوجة لنفسه

انما كمن يبحث عن خادمة تخدم اولاده من ام قد فارقت الحياه

ام من ام تم طلاقها

ومن اجل كل ما ذكرت

اقول ان الفتاه لابد ان تكون ذكية في التفكير في مستقبلها

اما المطلقة

اصبحت النظرة لها في الوقت الحالي اقل حدة من قبل

فلي صديقة تزوجت 3 شهور

وكان زوجها مخادع في كل شئ

ولم يظهر الا بعد الزواج

وسن هذه الصديقة 24 سنة

وتم طلاقها

وهي الان تعد وتجهز لزواجها الخميس القادم ان شاء الله

من شاب لم يتزوج من قبل

فلان هي انسانة رائعة

احبها واهتم بها من هو يشبهها بل قد يكون احسن منها كما تقول

واشكرك توتا على موضوعاتك القيمة

لقد اجبت عن هدا الموضوع
لكين للاساف لم يضهر الرد
لا ادري ماهو سباب اختفاء الرد
على العموم
اشكر اختي الكريمة على مضوعك المهيم

تقبلي مروري

» نعم أنا مطلقة
» ايهما تفضل قلمك ام لسانك؟
» من اجل منتدي افضل
» عفوا الصورة مقلوبة .....
» عفوا...... هذه العضوة متهمة بالسرقة !!!؟