دعاء مصري مطحون

دعاء مصري مطحون

اللهم أنقذنا من نفسية الزملاء وغباء الأصدقاء

اللهم ارحمنا من استبياع الجيل الجديد..
وحرائق السكة الحديد
واستقصاد كل مدير..

وندالة القرايب
الصغير منهم والكبير

اللهم أغثنا من كل عميل ومن فواتير موبينيل
اللهم أرحمنا من تشريفة عربيات المسئولين ,
وزحمة الشوارع في كل حين
وسحب الرخص في كل كمين من الغلبان مش م المتين

اللهم أهدى لنا سواقين الميكروباص
والمدير البصباص

اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..
وشر شلل البنات. ولؤم الستات
وغباوة الحموات
والمينيمم تشارج كافيهات..
وهيافة الصحف والمجلات

وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقــــوع السيــرفـــر وقفلـــة السايتـــات

اللهم ارفع مستوى الزمالك .
لمستوى انبى والحدود أو حتى مستوى أسمنت أسيوط
أو أرسل يارب عليهم صاعقة..
بدل ما يخلونا نموت ..

اللهم سدد أقساطنا وضلل عنا مآمير الضرايب

اللهم ارزق جيل الوسط عقود عمل في ليبيا و قطر

اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح

اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب

واكفنا شر صاحب الدقن الكداب
وصاحب التصريحات النصاب

اللهم ارزق كل بنت بعريس هدية..
وكل شاب بوظيفة وشقة وعربية

اللهم أحرق الـ 0900
واضرب الحرامية بالحرامية

ونجح أي طالب في أي كلية
حتى ولو كان في التربية الموسيقية

آآميين آآآمين

كان ممكن اصدقك إننا نعمل زي الاغبياء ... بس انا ساعات بعمل

تصرفات ما يعمالهاش اغبى الاغبياء .. وبرضه بكون قرفان ..

تقدري تفسري ليه ؟؟ هههههههههههههههه .

اناشايف يا باندة إن القرف صفة إنسانية بحته ,عمرك شوفتي

كلب قرفان ( الا اذا كان كلبي لاني مش حأكله , اجيبله منين ,

دا انا يمكن في الاخر أكله ههههههههههههه) .. فعلا هي ظاهره

مع البني أدمين بس .. وانا شايف انها صفة صحية ( بشرط انها

ما تطولش ) عشان لولا الصفات الانسانية السلبية زي الحزن أو

القرف أو الكأبة أو الفشل , ماكنا نحس بطعم السعادة أو

النجاح .. فلننعم بقرفنا, و إكتأبنا ,و فشلنا لان أكيد جاي

وراهم السعادة والنجاح والامل في حياة أفضل ....


الله يجازيكي ويسامحك يا باندة , قلبتيهالنا هم, ونكد وقرف ,

مابلالالاش , انا كنت ناسي !!!!!!!!!!! هههههههههههههه .

بس ان جيتي للحقيقة , كفاية الواحد يكون في المنتدي و ليه

أصدقاء زيكم, عمره ما يشعر بأي قرف او زعل او اكتئاب

شكرا لتعليقك الظريف يا هيرو .. بس اول مره اشوف ان قرف حد يضحك

حد تاني , انا كنت فاكرك حتعيط عليه بالدموع .. بس بيني وبينك انا كمان ضحكت

بس خليها في سرك ههههههههههههههههههههههههههههههه

تقبل مني ارق تحياتي .....

ايه يا حافي .. انت حتئوم مصر عليا ولا أيه ؟؟ يا حبيبي فيه

فرق بين مصر وبين ناس مسئولين فاكرين انهم بيعملوا لصالح

مصر , وهما اللي حايضيعوا البلد .. وانا بحب مصر جدا مهما كانت

المعاناه الي الناس بتعانيها كل يوم ..لان بلدنا جميلة وأهلها

أجمل , مافيش بلد في العالم زيها , ولو ماكنتش بحبها , ماكنتش

انتظر أي اجازة ولو اسبوع عشان انزل ... وكنت اجيب ولادي عندي

بدل ما انزل .. ده يأكدلك اني مش بحب مصر بس , انا بموت فيها..

والله يا حافي ,انا متهيألي لو جت الفرصة تمشي , مش حاتمشي ,

دانت حاتجري ..ههههههههه

لا ياحبيبي ..انا بحبها من غير البتوع اللي قلت عليهم .. هو بالعافيه يا أخي ؟؟
وبعدين انا الحب عندي مش اعمي .. ده مفنجل عينيه عألاخر ههههههههههه