جيفارا ... جاب لنا المرارة

الحافي) : أنا كنت نازل ( سوق الجمعة ) علشان أشتري تي شيرت جديد بمناسبة ( عيد الجربوع) ,
و عجبني تي شيرت مرسوم عليه راجل كده ما أعرفوش , فحبيت اسألكم عنه , و آدي الـتي شيرت :

جيفارا ... جاب لنا المرارة Che+Guevara+shirt

جيفارا ... جاب لنا المرارة Che+Guevara+shirt

( صحبي ) : يااااه , ده انت على نياتك قوي يا أستاذ (حافي ) ,
اللي على التي شيرت ده اسمه ( تشي جيفارا ,
و ده راجل ( شيوعي ) , يعني لا يؤمن بملة و لا بدين ,
من أمريكا الجنوبية , جنب كشك السجاير بتاع ( أم أليخاندرو ) ,

( الحافي ) : طيب و احنا مالنا بيه الراجل ده ؟؟
يرسموه لينا على فانيلاتنا ليه ؟؟
( صحبي ) : آه , أصل فيه شوية ناس ( بلدياتنا ) عاملينه بطل و ثوري و مثل أعلى و حاجات كده ,
علشان كان بيحارب في أمريكا الجنوبية في كام بلد كده ,
بس فيه ناس بتقول إنه كان لا ثوري و لا دياولوا , و إنه كان مجرد ( قاتل مأجور ) ,
بيحارب من أجل المال و الشهرة و خلاص
... و معانا مداخلة تليفونية ,
أيوة ..أيوة .. معانا ( الرفيق ) سمير ( أيسر ) ,
من مركز ( عَلْمَان ) - كَفْر ( الليبراوية ) ,

( سمير أيسر ) : إيه يا عم سامي (سامي دا صحبي علشان متتلخبطوش)؟؟ ما تبطلوا بقى (تحشروا ) الدين في كل حاجة ,
مالنا احنا و مال جيفارا كان شيوعي و لا كافر ,
احنا لينا إنه قائد و ثوري و بيحارب لنصرة الضعفاء و القيم و الحق و العدل و ...
و بعدين بطلوا بقى تدخلوا الدين في كل حاجة ؟؟
انتوا أصلا عندكم وسواس اسمه الدين الدين الديـ ..... تيييت تيييت تيييت تيييت ,

( صحبي ) : عفوا , الخط انقطع , عموما فكرتك وصلت يا ( رفيق ) سمير ,
و هنتصل بالأستاذ ( رزين محايد ) علشان يرد عليك بعيد عن الدين يا عم ,
أستاذ رزين , حضرتك معانا ؟؟

( رزين محايد ) : أيوة معاكم , و يسعدني إني أبين للأستاذ ( الحافي ) و للرفيق ( سمير أيسر )
و كل المشاهدين حقيقة جيفارا بنظرة محايدة بدون أي دخول للدين في الموضوع ,
علشان أهالي كفر ( الليبراوية ) عندهم حساسية منه ,

و اسمحوا لي أتكلم باختصار علشان وقت البرنامج :
.
.
.
.

.
.
.
.
- جيفارا اللي بيدعوا ( للقيم ) و يحارب من أجلها بيقول :
" انا لست مسيحاً، و لست محباً للاحسان ، انا كل ما يناقض المسيح ،
ومحبوا الاحسان يبدون عديمي القيمة بالمقارنة مع ما اؤمن به.
سأقاتل بكل الاسلحة التي بمتناول اليد بدلاً من ان ادع نفسي أدق على صليب او ماشابه " (1)
دي هي ( القيم ) اللي بيدعوا إليها
و لا بلاش دي , علشان الناس اللي عندهم حساسية من أي دين ,

ــــــــــــــــــــــــــــــــــــــــــــــــــ ـــــــــــــــــــ

- جيفارا اللي بيدعو ( للعدل ) بيقول :
" لكي ترسل رجالاً الى فرقة الاعدام ، فالاثبات القضائي غير ضروري...
فهذه الاجراءات هي تفاصيل برجوازية قديمة." !!! (2)
فعلا .. الإثبات القضائي غير ضروري .. قشطة على العدل يا معلم !!

ــــــــــــــــــــــــــــــــــــــــــــــــــ ـــــــــــــــــــ

- جيفارا بتاع ( الأخلاق و القيم ) بيقول :
"هذه ثورة، و الثوريون يجب ان يصبحوا آلات قتل باردة مدفوعة بالكره النقي ."(3)
آلات قتل باردة !! فعلا هو نجح أن يكون آلة قتل باردة !!

ــــــــــــــــــــــــــــــــــــــــــــــــــ ـــــــــــــــــــ

- جيفارا اللي بيقاتل من أجل ( الفقراء ) و من أجل الغير و ( ليس المال ) بيقول :
" الوضع كان غير مريح بالسنبة للناس و بالنسبة لـ" ايتيمو" ,
انهيت المشكلة باعطاءه اطلاقه من مسدس عيار .32 على الجانب الايمن من دماغه. فلهث قليلاً ثم مات.
وحال مواصلتي ازالة ممتلكاته الشخصية، لم استطع انتزاع الساعة المربوطة بسلسلة الى حزامه.
عندها قال لي -رفيقه "إيتيموا" اللي كان خايف , مش القتيل- بصوت ثابت ابعد مايكون عن الخوف: انتزعها بقوة فما اهميتها ؟
فعلت ذلك وحاجياته الان ملكي " ! (4)
هو فعلا مش بيقاتل من أجل المال ,
لكن بيقاتل من أجل ( الساعة اللي في جيب الراجل )

ــــــــــــــــــــــــــــــــــــــــــــــــــ ـــــــــــــــــــ

- جيفارا ( البطل , الشجاع ) لما قبضوا عليه كان بيقول :
" لاتطلق النار ! انا جي جيفارا ! انا اكثر قيمة لكم حياً مما ميتاً " ! (5)

جيفارا ... جاب لنا المرارة CHEPRESOR

و في النهاية أحب أقول إن اللي مش بيشوف من الغربال ... يروح يكشف نظر !!
اللي يتخذ من جيفارا قدوة و يترك :
- النبي - صلى الله عليه و سلم - الذي :
كان إذا احمر البأس و اشتدت الحرب كان الصحابة يحتمون به
قال علي رضي الله عنه: ( كنا إذا احمر البأس ولقي القوم القوم،
اتقينا برسول الله صلى الله عليه وسلم، فما يكون منا أحد أدنى من القوم منه ) رواه أحمد .
- حمزة بن أبي طالب :
الذي كان يقاتل بسيفين في كلتا يديه , و كان يقاتل كأنه الجمل الأورق ,
حتى قال عنه قاتله "وحشيّ" : ( والله إني لأنظر إلى حمزة يهد الناس بسيفه ما يبقي به شيئاً مثل الجمل الأورق )
- البراء بن مالك :
و الذي طلب من المسلمين أن يقذفوه داخل أحد الحصون بعد ما استعصى عليهم فتحه
و قال لهم : ( ارفعوني برماحكم فألقوني فيها ) ,
و فتح لهم الحصن من الداخل بعد أن جُرح أكثر من 80 جرحا !!
- خالد بن الوليد :
الذي ظن أعداؤه أن الله قد أنزل له سيفا من السماء يقاتل به !!
ييجي إيه جيفارا ده جنب اللي عملوه ‍‍؟؟!!
و غيرهم و غيرهم لكن احنا اختصرنا جدااااا
و مش عاوزين نطول علشان وقت البرنامج ,
فلا أدري ما ( الطفرة ) التي فعلها جيفارا و زادت على ما فعله المسلمون الأولون ,
كي يرتضيه بعض المسلمين رمزا و قدوة دون رسول الله و صحابته الكرام ؟؟
و أذكر نفسي و إياكم بقول رسول الله - صلى الله عليه و سلم - لأصحابه حين قال لهم :
(( المرء مع من أحب))
.
.
.
.
.
.
.

انزل بالتتر يابني , وقت الحلقة خلص من بدري ,

.............................. ...
ملحوظة :
أنا في هذا الموضوع لا أنكر ما قام به جيفارا من نضال ,
إنما أتحدث عن ( قَدْر ) هذا النضال
و عن ( الطريقة ) و ( المنهج ) الذي اتبعه في تحقيقه
و ( الغاية ) التي من أجلها فعل هذا ,
و أنه على الرغم من مآثره فإن مثاليه لا تخفى على بصير ,
و أنه لا يرقى بحالٍ لأن يكون قدوة , و لا حتى نصف قدوة ,
و لا حتى فتفوتة قدوة
.............................. ....

تسلم اخى الحافى على البرنامج الرائع

وضحت للناس كل حاجه عن مبادئ جيفارا

للأسف فى شباب بتتخذ من جيفارا قدوه لهم

وتيجى تكلمهم عن صحابى ولا صحابيه

او حتى تقوله قال الله وقال الرسول

ياااااااااااااااه كأنك بتشتمهم

ده موضوع ياأمير مش برنامج
اوعى يكون نزلت جيفارا على جهازك

هههههههههههههههههههههههههههههههههههههههه

لالالالالالالالالالالا متخافش انا عندى انتى فيرس كويس جداااااا

بيمسك الحجات الى زى دى

شكرا يا حافي علي المعلومات دي
انا اول مرة اسمع موضوع دة
ومكنتش اعرف عنه حاجة
تسلم ايديك

nono كتب:: شكرا يا حافي علي المعلومات دي
انا اول مرة اسمع موضوع دة
ومكنتش اعرف عنه حاجة
تسلم ايديك

اهو عرفتي يانونو
يبقى خليكي ورايا وانتي هتعرفي اكتر
طول منتي ورا الحافي عمرك ماهتخسري
ومتفتكريش دا غرور دي ثقة

اوكي هفضل وراك بس في معلومات بس
اما المشاركات والمواضيع لا هههههههههههههههه

يووووووووه كتيير زيك قالو نفس كلامك
في الاخر مبئاش حد منهم الا واحد لسه بيشاور عقله ينتحر ولا لا
عارفه دي نصيحة مني لوجه لله كدا
متتحديش الحافي
وخليكي وراه
سلام عليكم

ما تسمعيش كلامه يانونو

احسن تمشي وراه

وبعدين يبصلك ويقولك

انتي ماشية ورايا ليـــــــــــــــــــــــــــــــــــــــــه؟؟؟؟؟؟؟؟

انا عارفة الحافي مش بيحب حد يمشي وراه

اوعي تسمعي كلامه

اخي العزيز الحافي

عندك حق والله

بلا جيفارا بلا عمرو دياب

ههههههههههههههههههه

بلاها جيقارا خذ ............... يعني كدة يكون احسن

بس بجد موضوع جميل ومعلومات جميلة

مفيدة لمن لا يعرفها

اشكرك