نكت كمان

موضوع: نكت كمان الأحد نوفمبر 15, 2009 1:00 am

ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط

النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه

زرافة و فيل وأسد وفأر وثعلب وارنب ماشيين في الغابة , وقعوا كلهم في حفرة إلا الزرافة ,قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل، قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم .. قام الفأر نط مفزوع وقال لهم : اللي حيقرب من الأسد حيعرف شغله

توأم بيقول لأخوه التوأم وهو متنرفز إنت كنت فين ياعم أمك حمتنى مرتين

واحد فشار اوي جاله واحد صحبه قعد يقوله امبارح جالي ابو لهب و حنظله و كنا بنتغدا مع بعض قاله يا عم انت هتشتغلني قاله و هشتغلك ليه امبارح كنا على طرابيزه واحده صحبه كان هيتجنن المهم نزل من عنده لقى ابن الراجل قاله صحيح الكلام ده قاله كلام ايه يا عمو قاله ابوك امبارح جاله ابو لهب و حنظله وكانو بيتغدو مع بعض؟ قاله بصراحه يا عمو مش عارف بس انا امبارح لقيت موكب من كام ناقه كده وكان مكتوب عليهم ملاكي قريش

واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد

موضوع: رد: نكت كمان الأحد نوفمبر 15, 2009 5:04 am

ههههههههههههههههههههههههههههههههههههههههه

مشكور يا دكتور على خفة دمك

تسلم وتجيب لينا كمان وكمان

موضوع: رد: نكت كمان الأحد نوفمبر 15, 2009 12:52 pm

أمير الحب كتب:: ههههههههههههههههههههههههههههههههههههههههه

مشكور يا دكتور على خفة دمك

تسلم وتجيب لينا كمان وكمان

تسلم وتشكر يا امير

موضوع: رد: نكت كمان الثلاثاء نوفمبر 17, 2009 6:02 pm

ههههههههههههههههههههههاااااي حلوه
عسل يادوكتور
بص هديك نكتة جديده من عندي
توأم بيقول لأخوه التوأم وهو متنرفز إنت كنت فين ياعم أمك حمتنى مرتين

متئلش ناقلها منك
غتاتة بئه

موضوع: رد: نكت كمان الخميس نوفمبر 19, 2009 10:02 am

[quote="al7afe"]ههههههههههههههههههههههاااااي حلوه
عسل يادوكتور
بص هديك نكتة جديده من عندي
توأم بيقول لأخوه التوأم وهو متنرفز إنت كنت فين ياعم أمك حمتنى مرتين

متئلش ناقلها منك
غتاتة بأه [/quote

ههههههههههههههههههههههه حلوة يا حافي صحيح هي

من عندي , بس طالعة منك جميلة أوي , احسن مني انا ..هههههههه

» نكت كمان و كمان ....