مــــــــلــــل

جه جمبي وقف وقعد مبحلقلي وقالي ازيك ياحافي
شكلك مش عارفني؟
بصيتله من فوق لتحت
وشكله بصراحه ماريحني
قلتله اعزرني ماخدش والله بالي
ضحك وقال لما هنقعد ونتكلم هتفتكرني
قلتله معلش انا مش فاضي
قالي بس مش هاخد من وقتك كتير
اقعد النحية دي وقعد واتربع وبعدها مد رجليه
وبرطع وقال اعرفك بنفسي انا الاستاذ ملل اكيد
افتكرتني منا اكيد زرتك زمان و دلوقتي حان
الاوان اني ازورك تاني وراح شفط الهوا بسرعه
ونزل عليه بعزمه وملاني ملل لاقصي الحدود
خلاني زهقت ومبقتش طايق نفسى وكرهني في الي
بعمله كله ورماني وسط دنيا لونها باهت واهو
عدت الايام وراها الايام كل يوم زي الي قبله
ولسه الملل لازق فيا ومتبت كمان
وفي يوم صحيت
الصبح في الضهرية على شمالي لئيت ملل قاعد و
على يميني وش مضلم وقعده مؤذيه و
بيبص للملل وبيتبسم قلت ياعم ملل مين ده
قال عمنا كلنا وتاج راسنا من فوق
ايوه يعني مين
قال استاذنا احباط سمع عنك وعن قعدتك
الحلوه فقال لازم اجي واقعد معاه
وقام وجه عليا
يسلم ومد ايده وكتف ايديه و رجليه وفي وداني
قال مالهاش عوزه القومه دلوقتى هتروح فين
ادينا قاعدين ورا الباب في حيطه سد عمرها
ماهتنهد والشباك قصاده جبال ما تنعد ومانتاش
احسن من الي قبلك ولا هتعمل اكتر منهم وهبطت
عليا الضلمه ف عز الضهرية وراحت مني العزيمه
والحرية خطفهم مني الحرامي الكبير سرقهم
بسرعه وخفه ولما تاكد اني خلاص مستسلم ورافع
الرايه ومسلم راح بعت جاب عشرة عمره واحسن
صحابه ووقف وسلم عليه وخده بالأحضان لما
شافه وقال اعرفكم بالخطير الي مالوش امان
المتمكن السريع قاهر كل زمان الاستاذ احزان
يدوبك سمع ملل اسمه راح قام وسلم ع
الكبير وانحنى قدامه وخاف تقولو ياخواتي وزير
فقلت في نفسي اقوم اسلم ده برضو الراجل ضيف
لقيت التكتيفه لسه قاعده قلتله اعزرني يعالي
المقام قال مايهمكش ما بسلمش ع الحر الي واقف
علي رجليه وطبطب بايده علي ضهري ويدوب
شالها ملت الضلمه صدري وقلبي والدنيا الباهته
اسودت وعرفت الحزن الي عمري مادقته ولا
اتصورت اني هقابله
وخلص الكبير على الاسير في ثواني بعد
مابعت رجالته الملل والاحباط وبعدها هو بجلالته
خططته معروفه وقديمه لكن الناس كلها تحت
جبايته يسلب في الاول هدفك وياخد بعده عزيمتك
ويسيبك في الاخر حتة حديده
بجد .... ام الملل

تسلم ايديك

يا رب يكون ده موضوع بس
وربنا يبعدهم عننا كلهم
وكل اللى زيهم

ربنا يبعد عنك ياحافي كل اللي موجودين في الموضوع

وربنا يجعل كلامنا خفيف عليهم

يارب يا بانده