بتحبنى النهارده بكره هتكرهنى والعكس

عارف انت لما تحس انك بتحب وبتكره فى نفس الوقت

وهو المفروض اللى بيحب ميكرهش زى ما بيقولوا فى الامثال

عارف لما تحس ان حبيبتك وحشاك اوى وفى نفس الوقت قاعد بتغنى هعيش حياتى
وفى بالك اغنية اسكتى مش الحياة من غيرك طلعت احلى
عارف لما تكون حاسس انك بتحب مكان معين ومتقدرش تسيبه وفى نفس الوقت انت قرفان وزهقان منه
عارف لما تكون انت مش طايق بني أدم معين وفى نفس الوقت بتستلطفه وتحس ان هو كويس وغلبان

كل دى احاسيس متناقضه لبعضها
ازاى ده بيحصل معرفش .هل القلب والعقل هم السبب ؟
طب واحنا ليه مش بنفكر بعقلنا دايما ولا ليه مش بنفكر بقلبنا دايما ؟

ليه الواحد بيحس دايما انه متلخبط وتايه مش عارف يعمل ايه ولا يقول ايه ؟

ولا علشان ملناش مبادىء فى الحياة ولا اهداف ولا قريبين من ربنا
ولا دى طبيعة الانسان وكل الناس كده عامة

فى حد فيكم عارف هو حاسس بايه بالظبط دلوقتى ؟
طب بلاش دى فى حد فيكم عارف احساسه بالظبط تجاه شخص معين

بتكرهه ولا بتحبه ولا مش طايقه ولا مستلطفه

اراهن انه لا طب خدونى انا مثال
اللى يرد عالتوبيك يقولى هو بيكرهنى ولا بيحبنى ولا مش طايقنى ولا اى احساس انتو حاسينه ناحيتى
ووالله مش هزعل ولا هدايق لما حد يقولى انا بكرهك او مش طايقك
وبرضو مش هفرح لما حد يقولى انا بموت فيك
لان ممكن تغير الاحساس اللى انت حاسه ده فى ثانيه
ممكن مثلا تكون بتكرهنى دلوقتى اروح انا اكلمك واهزر معاك شوية
فى ثانيه تنسى الكره اللى انت كنت بتكرهولى كله وتبدا تحبنى

وممكن تكون بتحبنى دلوقتى وانا اجى اتخانق معاك او يحصل مشكله بينى وبينك
فى ثانيه تكرهنى وتنسى انك كنت بتحبى اصلا

هو ده البني أدم احاسيسه مش ثابته وممكن تتغير 360 درجه فى ثانيه
ليه مش عارف ؟
لو حد عارف يقولى بجد

ليه دايما احاسيسنا بتبقى متلخبطه ومتناقضه ؟
وممكن فى ثانيه تبدل احساسك تجاه شخص معين

ولا انت شخص بتعرف تتحكم فى مشاعرك كويس وبتعرف امتى تكره وامتى تحب

بجد الموضوع ده شاغل تفكيرى وعقلى وقلبى ورجلى وشعرى وايدى اللى وجعتنى دى وكل حاجه
طولت انا معلشى

والله هو سؤال مهم ياساحر القلوب
بس انا بعتقد ان مفيش انسان يقدر يحب ويكره شخص فى وقت واحد الا اذا كان حاجه من الاتنين ياما منافق اوشخص مريض نفسى بمعنى اصح عنده شيزوفرينيا اى انفصام فى الشخصيه وده رايى كمحلله نفسيه
لسه بدور على شغل
اما عن احساسى تجاهك فهو على الرغم ان انا معرفكش شخصيا الا انى والله احبك فى الله اخويا فى الله
تقبل رايى

اولا تسلم على الموضوع
ثانيا بالنسبة لمشاعر الحب فدية احنا مش بنقدر نحكم مشاعرنا فيها يعنى الانسان بيحب غظب عنه او باردتة الحب بيجى كده فى اى وقت
لكن الكرة ده احنا الى بنزرعة داخلنا يعنى لما تكون بتحب انسان ويجى يصدر منه تصرف يدياك او جرحك اكيد مشاعرك حتتغير تلاقى من نفسها
تجاه هذا الشخص

وانا بحترمك كتير عشان موضوعاتك مميزة

» اصعب المواقف اليى تخلى البنات تضحك على الشباب والعكس