ابليس زعلان من المصريين

على باب سفارة كندا

على باب سفارة كندا.. لمحت إبليس و ف إيده استماره..

باقول له على فين.. قاللي بص .. يا هجرة ..يا إعارة.....

يا عم زهقت.. كفرت .. ألاقيش معاك سيجارة..

أنا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. ماليش عيش ف دي البلاد

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومافيش مشاكل..

يا عم ده انا بقيت أوسوس بالمقلوب..

و أقول للحرامي .. كفاية بقى .. توووووب..

إنت إيه.. لوحدك هاتعمل كل الذنوب..؟؟

و أنا إبليس أشتغل واعظ .. ولا كمساري ف اتوبيس..

يا عم ده أنا زمان

كنت أستنى حد ينسى يسمي وهو بياكل لقمته..

دلوقتي كل أكلكم ملوث .. و بصراحه الواحد خايف على صحته..

ده مافيش ضمير أساساً عشان أموته..

و كل واحد بمزاجه .. خربانة ذمته..

يا عم ده كل حاجة إتسرقت..

وكده الأجيال الجديدة م الحرامية إتظلمت..

يا راجل ده من كتر ما لطشت معايا..

خرجت ف مظاهرة مع الناس اللي بتقول كفاية..

و برضه ......... مافيش فايدة

رائع يا ممدوح
مشكور علي قصيدة

ايه الكلام ده يا ممدوح

بصراحة عندك حق

بس خلى عندك امل

والله المستعان

تحياتى لك ولقلمك الجرىء

اختك شيمو[b]

أخي ممدوح..تحياتي لك

كلماتك جميلة وتدل على مشاعر بخيبة الامل

على واقعنا ومجتمعنا الذي انحدر الى ادنى

المستويات من الفساد والأنحطاط الخلقي ولكن

يجب ان لا ننسى الله سبحانه وتعالى موجود

وان الاسلام موجدو والناس الخيرين موجدين

وان هذه المحنة انما هي ابتلاء من رب العالمين

وامتحان للايمان فطمئن اخي ان شاء الله ربي وربك

ورب الناس اجمعين ستكون كلمة خالقنا وبارئنا هي العليا

سلمت يداك على طرحك

بالنسبه يعنى زعلان من طبقات الشعب كلها

ولا حكامنا الظراف بس

عموما كل الدنيا فيها الحلو والوحش

الورع التقى والفاسد

اللهم اجعلنا ممن يسمعون القول فيتبعون احسنه

شكرا يا ممدوح دمت متألق

شكراااااااااا
للمرور الكريم

رائع يا ممدوح , والله فيه ناس الأيام دي ابليس يقولهم يا بابا

تسلم على قلمك الجميل

» ابليس يغادر السعودية ...
» عائلة ابليس الرجيم
» عائلة ابليس الرجيم
» حيل ابليس.عليه اللعنة
» ابليس يصف الوضع والحالة في البلاد