كيف تكتب موضوع مميز من العنوان الي اخر كلمة وتحصل علي ردود كثيرة

كيف تضع موضوع مميز من العنوان الي اخر كلمه
وكيف تحصل علي ردود كثيرة علي
مواضيعك
اولا العنوان :
عنوان الموضوع هو اول شئ يجذب
الاعضاء الي موضوعك لانها كمنافسة بين الموضوعات .......او بين الاعضاء اللي بيضعوا
موضوعات فاما ان العنوان يجذبهم و يقراوا موضوعك او يتركوك ويشوفوا موضوع تاني
عنوانه يجذب اكثر وعلشان كده
حاول تختصر موضوعك في
عبارة واحده هي عنوان الموضوع لان مؤكد ان الموضوع بتاعك له قيمه او مهم لانه لو لم
يكن كده مكنتش كتبته صح.........؟؟؟؟؟؟؟؟؟؟؟
تجنب
العناوين دي : ادخل هنا ........ اتفضلوا هنا ..... موضوع هام جداا ....وما يقاس
عليها
وحاول وانت بتكتب العنوان لموضوع مهم مثلا تشوف
انت لو حبيت تبحث علي النت عن الموضوع ده هاتكتب ايه (يعني الكلمات اللي هاتكتبها
في جوجل مثلا ) دي بيسموها في التسويق الالكتروني الكلمات المفتاحيه وهي لكي تفيد
المنتدي بجلب مزيد من الاعضاء اذا اردت ذلك.
وكمان اوعي
تضع همزات في العنوان .... لانك عندما تبحث علي جوجل لا تضع همزات صح
......؟؟؟؟؟
اما عن جسم الموضوع :
ففي نصيحه او
حكمه بتقول :
( حدث الناس عن انفسهم ينصتوا اليك لساعات ...... وحدث المرأه عن
نفسها تنصت اليك لسنين )
فلو عاوز موضوعك يترد عليه
كتير اكتب عن حاجات في الواقع الحديث تهم الشباب والبنات وتهم المجتمع ككل

ودا واضح في ان لو حد كتب موضوع عن الحب والحبيبه (
بتشديد الياء ) في أي منتدي كل الاعضاء بتدخل وتقرا موضوعه وترد ما بين معارض ومؤيد

قل رايك في موضوعك بوضوح وصدق ...... وراي معارض
.....او جزء من الاراء المعارضه لكي تعطي الفرصة للي هيردوا يكتبوا ارئهم

اوعي تخلي هدفك الاول الردود ولكن خلي هدفك الاول الافاده
وخلي بالك من كلامك : يعني كلامك ليك او عليك يوم القيامه فلا
تكتب حاجه معروف انها غلط او شئ مش كويس او مخالف للدين وبرضة متتكلمش الا اذا كنت
عارف
يعني ممكن نشوف وحده غير محجبه تقول الحجاب مش فرض مع ان
كل الشيوخ متفقين انه فرض
او حد يسمي الاختلاط بين البنات والشباب اللي هو حرام
اصلا يقولوا انه حلال وحب ومشاعر ايوه في حب ومشاعر لكن لا نجسدها في الاختلاط
وحده
طبعا لازم تعبر عن رأيك بس افتكر ان لو ربنا قال
.... تقدر تحط رأيك جنب كلام ربنا ؟؟!!
قال لقمان
الحكيم ناصحا :
لكل قافله كلب ......... فلا تكن كلب قافلتك
وخلي
موضوعك يشتمل علي الحكم والامثال لانها بتثري الموضوع فعلا
حاول متوصلش القارئ
الي انه يزهق موضوعك يعني لا تكتب موضوع نهايته بعد يومين قراءه يعني اختصر
ولو
موضوعك كبييير اصلا ولا يمكن إختصاره .... بسيطه قسمه جزء اول وثاني وهكذا ( لكن لا
تلجأ لهذة الطريقة كثيرا لانها بتشعر القارئ بالملل )
...علشان تضمن ان الناس
هيقراوه
..... ودا طبعا لو موضوعك مهم بس .. يعني مش مهم
جداا .... اما لو مهم جداا ومفيد و الناس عاوزين يقراؤه براحتك طول زي ما انت عاوز
بس في مشكله بسيطه
في نصف الموضوع لا تجعل القارئ يشعر
ان خلاص الموضوع خلص واللي جاي كله كلام فارغ ..... يعني خلي في عنصر التشويق علشان
محدش ينام منك .
و لا تكتب موضوعك بلون مش ظاهر او خط مش واضح لان مفيش
حد مجبر يقرا موضوعك ......... .....
وكمان لا تكتب بالعاميه
كل الموضوع او باللغه العربيه الفصحي كل الموضوع المفروض يعني علشان الناس كلها
تفهم كلامك و يحسوا انك معاهم في الدنيا
مش في حصة نحو ......... ولا بتكلمهم في
الشارع برضة
في مهارات الاتصال بيقول :
الكلمه
لا تؤثر في المستمع الا بنسبة 7% فقط .....
بس احنا في
المنتدي طبعا مفيش ايماءات جسديه او نبرة الصوت .... بس فيه اللوان وفي ابتسامات

فاهتم بالالوان في موضوعك وتناسقها وكمان الوجوه الضاحكه حاول تختار الوجوه
المناسبه اللي تنقل مشاعرك وقصدك
طبعا دي حاجه صعبه شوية و انت بتكتب
الموضوع .... لكن مفيش مشاكل انك تستخدم المعاينة او التعديل بعد ان تنتهي من كتابة
الموضوع
النهايه :
خمن لما الناس
هتقرا موضوعك ممكن تقول ايه ................؟؟؟؟؟؟؟
ياترا هيقولولك شكرا وخلاص ولا سمحت لهم يقولوا رايهم ........ يعني اكتب
شئ يثير القارئ ليشارك برد ذو معني في نظره ولازم يقوله
وجرب الموضوع علي نفسك اولا يعني اقرا موضوعك وشوف لو انت هترد هتقول
شكرا و بس ولا هتقول راي
وفي ردك علي مواضيع غيرك
:
لا تجعل ردك تقليدي زي شكرا وجزاك الله خيرا فقط طبعا
من الذوق انك تشكر صاحب الموضوع اللي افادك بس لازم تحسسه انك قرات الموضوع بتاعه
كويس يعني تقول رايك في كلامه
.. او علق بالاضافة الي معلوماته او التعليق علي
جزء فيه
او توضح له اكثر جزئيه عجبتك في الموضوع لان هذا يعطيه دفعه للامام وفي
نفس الوقت شعور جيد تجاهك
لانك لو اكتفيت بشكراا او
جزاك الله خيرا مش هينظر مين اللي رد اصلا اما لو كتبت رد كويس .....هيشوف دا راي
مين ولما يشوف موضوع ليك هيفتكر الرد المميز بتاعك وبالتالي هيرد عليك بنفس الطريقة

والشئ المهم جداا جداا
انك تتابع موضوعك وتشوف
الردود وتعلق عليها تعليقات كويسه توضح انك مهتم وتشكره ........لان ده بيبقي دافع
ان الناس تقرا موضوعاتك
بس خلاص يارب اكون قدمت
افاده كويسه ليكم
ارجو من كل اللي يقرا الموضوع ده يعطي
الموضوع تقييم بالنجوم [img]images/smilies/1/innocent[1].gif[/img]
( تطبيقا
لقاعده شوف الناس ممكن يقولوا ايه ههههه )
يعني رد
عليا وبعد انهاء ردك قول نجمه او نجمتين او ....... لحد خمس نجوم علشان اشوف
الموضوع عجبك ولا لا واشوف عجب كام واحد من الاعضاء
وفي النهاية عذرا للاطالة