نكت ولا أروع ...

موضوع: نكت ولا أروع ... الأحد فبراير 21, 2010 9:34 pm

صعيدي قاعد عالشط شاف واحد بيغرق
كل ما يرفع ايده يقوله
عليكم السلام
--
واحد بيشرح درس عن الحجاب وبعد ما خلص
قالت بنت: انا اقتنعت وهلبس العباية والنقاب
قالها: الله ينور عليكي ده مفتاح الجنة
بنت تانية قالت: بس انا بحب اطلع بالشورت والمايوه
قالها: الله ينور عليكي ده مفتاح شقتي
--
واحد و مراته بيكرهوا بعض
مسافرين بالعربية
عدوا على مزرعة بقر قالها:
يقربولك دول؟
قالتله : أيوة أهل جوزى
--
هيفاء وهبى ماتت كتبو على قبرها المغفور لها اول مره تنام لوحدها

ابن هيفاء وهبى بيعيط فى الفصل سأله المدرس : ماالك قاله عاوز مامى قاله اقعد وانت ساكت ياحبيبى كلنا عاوزين امك وقاعدين ساكتين

دليقرى بيسأل شيخ شغلتى حلال ولا حرام قاله انت مؤمن قاله لا كنتاكى

صعيدى قاعد يمتحن جاله سؤال ضع إن فى جمله كتب اشتريت تيلفون إن سبعين
--
مدرسة روضة قالت لتلميذ عد لخمسة و أديك بوسة ... راح قالها طب أعد لعشرة و نسهر سوا
--
واحده مصريه سافرت اسرائيل ورجعت حامل قالت لجوزها ابسط ياعم جبتلك اسير يهودى

اتنين مساطيل واحد بيقول للتانى هو لو خنتك مع مراتك نبقى نسايب قاله لا نبقى خالصين
--
صعيدى روح لقى مراته نايمة مع واحد .. راح ساحب سكينة و راح يقتله .. لقى الراجل بيقوله استنى ... احنا الكاميرا الخفية
مات الصعيدى على روحه من الضحك و قال : مش ممكن يا جماعة , دى خامس مرة تعملوها فيا و متذيعوهاش
--

مذيعه قالت لواحد صعيدى لو قلتلى مين طاهر ابو زيد هاتأخذ 100 جنيه قالها منى مأتين لو قولتلى مين طاهرنى انا
--
محشش شاف واحد صاحبه عنده حسنة فوق عينه ... قاله ايه دى ؟؟ عين ولا غين
--
راجل صحى من النوم على صويت و زعيق .... سأل الجيران فيه ايه .. قالولو الميه مسمومة ..صحيت مراته قالتله فيه ايه .. قالها ولا حاجة اشربى و نامى
--
واحد غبي ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟ إكتشف انه كان راكب ورا
--
ديك أخد فياجرا قعد يخبط ع الجيران قالهم و حياة أبوكم فرخة ولو من الفريزر
--
واحده قالت لجوزها بمناسبه 25سنه على جوازنا ادبح خروفين قالها وايه ذنب الخروفين فى غلطه ارتكبها الحمار
--
مره واحد عدى على واحد صاحبه بخيل اوى...... لقاه حاطط ايده على عين الشمال وبيبص بالتانيه... بيقوله مال عينك ؟ قالوا م انا شايفك بواحده . اشغل التانيه ليه
--
سواق قتل 60 واحد في حادثة.... لما سأله الظابط ليه قتلتهم؟ قال له كنت ماشي وبعدين فجاة العجلة ضربت منى ..ولقيت على يميني فرح وعلى شمالي راجلين ... ادخل في مين ؟ قاله الظابط ادخل في الراجلين.. قاله م انا دخلت في واحد والتاني دخل الفرح .... اسيبه
--
واحد قفش مراته مع صاحبه, قالتله : غبى وبغباوتك دى هتخسر كل صحابك
--
مرة واحدة ست قالت لإبنها :خد الفلوس دى وروح هاتلى دواء يصغرنى عشرين سنة فراح الولد يجيب لها الدواء ورجع إداها الدواء ... و راح المدرسة....... رجع الولد لقى والدته صغرة عشرين سنة قال لها: إنت صغرتى قوى يا ماما ، بس إيه العيل الصغير اللى فى إيدك دة قالت له:إسكت يا واد مش أبوك شرب العلبة كلها
--
شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟
قال الضابط : على حديقة الحيوانات
غاب الشرطي الصعيدي ساعتين ورجع هو والقرد ، الضابط بيسأله ايه الي رجعك ؟
قاله يا باشا وديته على حديقة الحيوانات ، تحب أخده دلوقتي أفسحه في الملاهي
--
مره دكتور مجانين دخل على العيانين بتوعوا العنبر لقاهم معلقين واحد مكان النجفه بيلفوا حوليه وبيغنوا النور جه النور جه ولقى مجنون قاعد ساكت لوحده فقله الدكتور انت مش فرحان زييهم بالنور ليه قاله يادكتور طيب دوول مجانين حد يعمل كده برده قاله كويس يعني انت عاقل قاله طبعا قاله طيب ليه مش خليتهم ينزلوه رد عليه المجنون كده برده يا دكتور يعني ننزله ونقعد في الضالمه
--
مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها
--
واحد بخيل عنده اربع حيطان دهن واحده منهم باللون الاصفر والباقى كتب عليهم نفس اللون
--
واحد دخل فندق 5 نجوم كان في فرح وهو كان عايز يروح دوره المياه فبيسأل واحده في الفرح وهو مكسوف جداًً ... وبيوشوشها في ودنها لو سمحتي التلاوَت منين ؟؟
البنت ضحكت وقالت : قصدك التواليت ؟ .... من الناحيه التانيه
فراح لف وشوشها في ودنها التانيه : التلاوَت منين؟؟
--
واحد عنده ديدان في بطنه المهم راح لكل الداكتره ومفيش فايده فواحد صاحبه قاله انا عندي حل انت تروح للدكتور هاني بتاع العلاج الطبيعي..... فراح للدكتور هاني فقاله الدكتور انت تجيب بطيخه وتكون كبيره وحمرا وطعمها حلو وتقطعها نصين وتقعد عليها هتنزل دوده تدوق طعمها وهتنادي على باقي الديدان ينزلوا من بطنك راح صاحبنا واشترى بطيخه وقطع راسها وقعد عليها فلما نزلت الدوده داقت طعم البطيخه لقاتها حلوه فنادت على الديدان الباقيين وقالت : دي طعمها حلو قوي طلعوها
--
مصرى ولبنانى تاهت مراتاتهم فى الزحمة , المصرى بيسأل اللبنانى مراتك لابسة ايه ؟
قاله : بادى ستومك وهوت شورت , وانت مراتك شو لابسة ؟
قاله : ملعون أبوها تغور فى داهية تعالا ندور على مراتك

هههههههههههههه
والله نكت روعة فرحتني جدا
بارك الله فيك سيدي ورسم علي وجهك البسمة والسرور دائما

اهنيدة كتب:: هههههههههههههه
والله نكت روعة فرحتني جدا
بارك الله فيك سيدي ورسم علي وجهك البسمة والسرور دائما

اشكرك يا أهنيدة لمرورك الجميل .. تحياتي ليكي ..

» أروع صور الاطفال
» أروع مآ قيل عن آلرچل
» كن أروع ما تكون ...
» أروع ما قيل عن... الحزن
» حمامات ولا أروع ولا أحلى