معنى الرجولة .....

كتيير منا فاهمين معنى الرجولة غلط ..

الرجولة عند كتير من الشباب هى أنك تمشى على مزاجك

ماتعملش حساب لكلمة أهلك

تشرب سجاير وميهمكش حد

تشيش من غير ماتكح (( راااااجل اوى !! ))

وشويه شويه تدخل فى طريق المخدرات علشان تكتمل رجولتك أدام اصحابك

وتعاكس بنات بصوت عالى (( ونعم الرجال !! ))

تلبس ضيق وملون وبناطيل واقعة

وموبايل احدث حاجة

عشان بس تصور اللى رايحة واللى جايه

وتسمع فى اغانى ليل ونهار

وتجيب بالبلوتوث من اصحابك حاجات ميصحش تبقى فى موبيل واحد محترم

وأى خناقه تروح تجامل فيها

كل يوم تخدع بنت وتسيبها وتخدع غيرها .وكتير وكتير

يعنى عايش حياتك بدماغك مش بتعمل حساب حد

دا معنى الرجوله عند شباب كتييير أوى ..

وفى ناس تانيه فاكرة ان الرجوله هى التحكم فى اى حد ادامه وفرض رايه حتى لو غلط

مثلا لو واحد خاطب او متجوز لازم لما يقول لخطيبته او مراته أعملى كذا يبقى لازم تعمل كذا

كدة يحس أنه راجل فعلا !!

وامثلة كتير عن الفهم الغلط لمعنى الرجوله

لكل الى فاهمين معنى الرجوله بالطريقة دى

(( أسفين مش هى دى الرجوله )) دى معناها الاصح (( الهمجيه )) ..

أما الرجوله الحقيقيه بقى فمعناها..

الرجولة كلمة شرف وعزة...

الرجولة هى البذل والعطاء والتضحية. .

الرجوله هى الاحسان الى من أحسن اليك ..

الرجوله هى أن تحترم أراء الناس ولو صح تاخد بكلامهم ..

الرجوله أنك متدورش على شماعة تعلق عليها أخطاءك وترميها على اللى حواليك ..

الرجوله هى انك تقول الحق مهما كان بدون أى مجاملة لحد ..

الرجوله انك تدى لكل واحد حقه وماتستغلش الضعيف ابداً ..

الرجوله هى المعامله الحسنه لأهلك سواء ابوك وامك او مراتك ..

الرجوله هى انصاف واحد مظلوم ولو حتى اقرب الناس ليك هو الى ظالمة ..

الرجوله انك تساعد اى حد محتاجلك على أد ماتقدر ..

الرجوله انه اللى مترضاهوش على اختك مترضاهوش على اى بنت تانية ..

الرجولة انك متقولش البنات هما اللى لبسهم خليع

مهيا خرجت باللبس ده من بيت المفروض انك الراجل فيه ..

الرجوله أنك تمسح بإيدك دمعه من على خد أى حد مهموم ..

الرجوله أنك تنام مرتاح الضمير من ناحيه نفسك ..

واخيرا
الرجوله مش بالمناظر ..

وطبعا صعب فى زمنا نلاقى راجل كامل بالمواصفات دى

بس فى الاول والاخر

((( هو دا معنى الرجوله الصحيح )))

فياترى كم راجل فى زمانا هذا ...

الله الله الله يادكتور على جمال موضوعك

اولا من ناحية الاعترض على مفهوم الرجولة الخاطئ

فانا معاك مليون في المية

ومن ناحية المواصفات الرائعة اللي كتبتها عن معني الرجولة الحقيقي

فانا معك بليون المية ان هي دي المواصفات الصح

لكن سؤال

فياترى كم راجل فى زمانا هذا ...

سؤال صعب اوي اوي اوي

هههههههههههههههههههههههههه

لان الاجابة عليه صعبببببببببببببببببببببببببببة اوي

تسلم ايدك يارب وما يحرمناش من موضوعاتك الروعة

بانـــــــــدة الإسكندرية كتب:: الله الله الله يادكتور على جمال موضوعك

اولا من ناحية الاعترض على مفهوم الرجولة الخاطئ

فانا معاك مليون في المية

ومن ناحية المواصفات الرائعة اللي كتبتها عن معني الرجولة الحقيقي

فانا معك بليون المية ان هي دي المواصفات الصح

لكن سؤال

فياترى كم راجل فى زمانا هذا ...

سؤال صعب اوي اوي اوي

هههههههههههههههههههههههههه

لان الاجابة عليه صعبببببببببببببببببببببببببببة اوي

تسلم ايدك يارب وما يحرمناش من موضوعاتك الروعة

شكرا لتعليقك الجميل يا باندة
وبعدين بلاش نفقد الأمل ان زمن الرجولة مستحيل يرجع تاني
المفروض إلدور يكون علينا إحنا , أباءا و أمهات , وزي ما قلت في كلامي
إن ولادنا في صغرهم بيكونوا عجينة لينة في ايدينا .. فلو العجينة دي تشكيلها في المراحل
الأولي من حياتهم مش على الوجه المطلوب , نكون إحنا المسئولين .. ربنا يوفقهم في مستقبلهم
ويكون مستقبل بلدنا و اللي نفسنا إنه يكون , علي ايد ولادنا دول

وبعدين ليه يا باندة بتسألي باستغراب : كم راجل في زمانا هذا
وأنا أرد عليكي و أقول : كتير يا باندة ... وأنا أول واحد منهم
ههههههههههههههههههه

معتقدش ان في الرجولة في زمن دة
بس موضوع رائع جدا يا دكتور

ايه الكلام ده يا جماعه

نعم ياست نونو ازاى متعتقديش

انتى اصلا تعاملتى مع راجل قبل كده

ولا عندك 100 سنه علشان تعرفى فى رجاله ولا لأ

وطول مالعجلة شغاله مصر بتجيب رجاله

دا حتى من كتر البنات مبيلبسوا لبس الرجاله افتكرت ان البلد كلها رجاله

هههههههههههههههههههههههههههه

طبعا بهزر

لسه يا بانده فى رجاله كتيييييييييييييييييييير فى الزمن ده

مشكور دكتورنا على الطرح الرائع

بص يادكتور انا هرد بجملة من خاطرة كانت كتباها شيمو

( يادكتور اعترف انك رجل )اوك

وبص ياامير الحب

انا هرد عليك من واقع معرفتي بيك

وهقولك والله

( انت رجل والرجال قليل ) اما فيما عدا ذلك

فانا لا اعمم اي شئ على الاطلاق

فيوجد كثير من الرجال بمصر وخارج مصر

المشكلة ان عددهم ليس بكثير

ونحن نريد الزيادة حتى تقف امتنا العربية كما كانت شامخة برجالها

اه مافيش رجالة

بانـــــــــدة الإسكندرية كتب:: بص يادكتور انا هرد بجملة من خاطرة كانت كتباها شيمو

( يادكتور اعترف انك رجل )اوك

طبعا يا باندة .. انا أعترف اني راجل و راجل و راجل ..
ولا حد شايف غير كده ؟؟؟؟

nono كتب:: اه مافيش رجالة

[center]

لالالالا يا نونو .. الرجاله موجودين و مش حايخلصوا من البلد
بس للآسف فعلا عددهم قل , لكن بلاش نقول كده , عشان لو
كلامك صحيح , يكون مفيش فايده في البلد دي , ونقول ساعتها
الله يرحمك يا مصر .. لكن ده ابدا مش حقيقي ... احنا لسه كويسين

nono كتب:: اه مافيش رجالة

دا عند بئه طييييييييييييييييييييييييييب

اذا كنتى بتتعاملى مع حريم على هيئة رجاله فده مش مسؤليتى

لاكن فيه رجاله كتيييير اوى

خلى عينك واسعه شويه علشان تشوفى الكون بطريقة تانيه

وبلاش عند ماشى يا نونو Cool

ماشي يا امير وماشي يا دكتور

دا عند بئه طييييييييييييييييييييييييييب

اذا كنتى بتتعاملى مع حريم على هيئة رجاله فده مش مسؤليتى

لاكن فيه رجاله كتيييير اوى

خلى عينك واسعه شويه علشان تشوفى الكون بطريقة تانيه

وبلاش عند ماشى يا نونو

ومش عند ولاحاجة
بس احنا في كلية مش شايفة رجالة معانا فقلت كدة

» كلمات امس لها معنى..واليوم لها معنى اخر..!!!
» الرجولة
» كلماااااااااااااات لها معنى
» معنى اسم مصر
» معنى كلمة طز