هل نستجيب لها أم لا؟

السلام عليكم ورحمة الله
منذ زمن ليس بقليل وأنا أتابع الأفلام العربية والمسلسلات
ودوما أتوقف عند حدث معين
ألا وهو بعد خلاف زوجي تبدأ المرأة بالصراخ على الزوج
وتطلب منه الطلاق وبعد كل تمنع منه
نجدها نصر بطلبها وتلح إلحاحاً
حتى إذا وافق الزوج المسكين
ونطق بالكلمة
بدأت المرأة بالعتب لم استجبت لطلبي
وتبدأ تقص عليه قصص الهوى والود بينهما
وكيف هانت عليه العشرة؟
وكيف وكيف؟؟
السؤال
كيف نتعامل مع مثل هذه الحالة ولست أقصد الطلاق فقط
أيستجيب المرء لمثل هذا الطلب أم لا
إن استجاب لامته
وإن تمسك تعالت عليه
أتمنى أن أجد الجواب الشافي
وشكراً وأسف عن هكذا بداية
لكن يؤرقني

بص ياياسر انا هكلمك من وجهت نظرى

فيه ثلاث انواع من المرأه الى بتطلب الطلاق

النوع الأول

هوه النوع الى انت اتكلمت عنه الى بيكون فى حالة غضب شديد

وتطلب الطلاق وبعدين تعاتب عليه

وده نوع لازم الزوج يكون فاهم غضب زوجته ويقدر يحتويه

بكلامه المعسول وحضنه الحنين لأن دى بتكون ساعت غضب شديد من الزوجه

اما النوع الثانى

فهوه النوع الى فعلا اتخنق من تصرفات الرجل

وعدم اهتمامه بالبيت والأولاد والزوجه

نوع اتخنق من خيانة وجرية ورا الستات

نوع اتخنق من الأهانه والضرب والزل

نوع عايش فى زمن اتولد فيه غلط

وده اجمل نوع من الستات الى تحافظ على بيتك

وتصون عرضك وشرفك وتحافظ على اولادك

بس للأسف فى المقابل تلاقى الامبالاه من الزوج

اما النوع الثالث

فدة النوع الخطر من وجهة نظرى

نوع بيطلب الطلاق مش علشان ساعت غضب لأ

النوع ده بيطلب الطلاق علشان شخص تانى

وقع فى حب شخص تانى ومعدشى بيطيق الشخص الأولانى

علشان كده بيطلب الطلاق لأنه حاسس ان سعادة مع الشخص التانى

ودى اكبر غلطه المرأة بتفكر فيها لأن الى يخلى واحده تطلق من جوزها علشانه هوه

يبقى انانى وعمرة محترمها ولا حبها

يبقى شيطان فرق بين الأزواج

وعمر السعاده متكون معاه حتى لو بيحبها بأخلاص

هيجى يوم ويخونها مع وحده تانيه ويعمل نفس الحكايه

ملاحظة

بدعو كل الأزواج الى بتخاف على بيتها واولادها وزوجاتها

حافظ عليها حطها جوة عيونك شيلها على راسك

لأنها بتحبك اوى

خليها صديقت واختك وامك وكل حاجه فى حياتك

وه برده للزوجه خلى الحياه كلها هنا وسعاده وفرحه

ابتسامتك بتملأ اليت سعاده

ربنا يسعد كل الأزواج

اخي العزيز ياسر

من وجهة نظري انا

النساء جميعهن لا يحبون الطلاق مهما كانت اسبابه

فتجد المرأة تكره الرجل ولا تريده زوج لها

ولكن حينما يقع الطلاق وتسمع كلمة انتي طالق

يكون شعورها كمن فصل روح عن جسد

فما بالك بمن تكون محبة للزوج ومحبة للحياه معه

وياتي موقف ما يحدث بينهما ثم تسمع كلمة طالق

فهي هنا تموت كل مشاعرها الطيبة

تموت مشاعر الثقة والحب والامان وغيره من المشاعر

وساقول لك سر عن النساء

المرأة عندما يحدث بينها وبين زوجها جدال وتطلب الطلاق وتقول له طلقني طلقني طلقني

في اللحظة دي تكون ملهفة لسماع كلمة مقدرش استغني عنك

اما الرجل فلا يفهم ذلك

ومنهم من يلبي ومنهم من يزيد عنادا ويزيد في الشجار

واحيانا تقول المرأة كلمة طلقني كدلال

لمعرفة مدى غلاوتها عنده

وانا هنا اقول ان هذا غباء منها

واشكرك على موضوعك الرائع الذي ارد عليه واقول

لا تسجيب ايها الرجل لها !!!!!!!!!!!!!

مشكور على موضوعك
بس انا شايفة ان مش فى الافلام والمسلسلات بس بيحصل كدا دا فى الحقيقة كمان وكتير جدا
تلاقى الزوجة بتطلب الطلاق من زوجها فى منهم بيطلب الطلاق لمجرد التهديد للزوج عشان يغير اسلوبة او معاملتة مع زوجتة
وفى نوع بيطلب الطلاق لانها مش عايزة تعيش مع زوجها ولا قدرة على ان تتحمل البقاء معة
وده بيختلف من زوجة لاخر وحسب ظروف على بيت
وانا اتفق مع امير وباندة فى الى قالوه