استنيت اني اشوف بنت تقول وتتكلم عن السلبيات اللي بتشوفها في اي ولد
زي ماكل يوم بنكتب احنا ونقول عن سلبيات البنات او مجموعه شرائح منهم
النهارده بقي زهقت من الانتظااااااااار وجي بقوووووووووووول
كفايه بقي يا ولاااااااااااااد
اه كفايه اوي لحد كده من قله الادب والتربيه
كفايه معاكسات في الشارع وتحرش بالبنات
كفايه سجاير ومخدرات وصياعه
كفايه خداع في بنات الناس تحت اسم الحب
اقول ايه تاني؟؟ اقول كفايه عليكم كده بقي صح؟؟
ساكتييييين عليكم من زمااااااااااان اوي
شربتوا سجاير ومخدرااااااااااات وقعدنا نقول دي تربيه الاهل الوحشه
والبطاله ومانجيبش العيب كله عليكم
كل يوم نشوف معاكسات في البنات الهشك بشك ونقووول معلش الشباب تعبان ومش
لاقي يتجوز والعيب في البنات ولبسهم وتصرفاتهم و..و..و
انما توصل بييييكم انكم تعاكسوا وتتحرشوا بالمحترمات والمنقبات يبقي لاء
استنوا هنا بقي....
عايز اسال كل شخص ولو ان كلمه شخص دي خساره فيكم لأنها بتتقال علي حسب ما
اخدنا زمان في العربي "للبني ادمين بس" وانا شايف انكم اقل من ان تعتبروا
بني ادمين لا عندكم اخلاق ولا دم ولا احساس ولا تفكير...هتجيبوا الادميه
منين؟؟؟
انا عايز اسالهم لو مامتك او اختك يعني نزلت الشارع وحد اتحرش بيها هتعمل
فيه ايه؟؟؟ اكيد دمك هيفور وهتتخانق معاه
طيب ليه مش بتراعي شعور ان اي حد ممكن يحصل كده لأخته او لحد قريبته...ولا
اقولكم لالالا بلاش دي .اصلي نسيت انكم ماتعرفوش يعني ايه احساس
ايه هنمشي ورا كل واحد فيكم عسكري في الشارع عشان تحترموا نفسكم وتبطلوا
الكلام الوقح والافعال الزباله اللي بتعملوها؟؟؟
ايه عايزين تتعاملوا زي الحيوانات بالضرب بس عشان تتعلموا؟؟؟
يعني اقولهالكم بالمفتشر كده زي مابيقولوا
مش خايف يا اخي ان حد يخطف اختك ولا واحده قريبتك ويغتصبها ولا يعمل فيها
بلوي؟؟؟
يا أخي ده لو في احتمال واحد في المليار انه يحصل المفروض ماتعملش كده عشان
ماتتردش فيك ولا في عيالك
لما بتعاكسوا بنت محترمه ولا منقبه مش بتاخدوا بالكم يعني انها محترمه ولا
خلاص العما صابكم؟؟؟
والله ما عارف اقولكم ايه مش لاقي كلام ينفع لأمثالكم عشان تفهموه
خلي عندكم دم بقي
الله يحرق دمكم زي مابتحرقوا دمنا كل يوم كده في الشارع وفي الجامعه وفي
البيوت
حسبي الله ونعم الوكيل فيكم
ملحوظه:الموضوع ده لا رغبه مني في الظهور بمبدأ الشهامه ولا اني اكسب تعاطف
حد ولا اي كلام من الهجص ده كله
انما ده مجرد فضفضه جوايا حبيت اقولها...دمي محروق علي كل بنت محترمه
بتتعاكس ولا بيتحرشوا بيها
خايف علي اخواتي وكل بنت محترمه بتراعي ربنا في لبسها وتصرفاتها انها
يحصللها كده...ودمتم
المزاج
