al7afe
عدد المساهمات : 676
نقاط : 1218
السٌّمعَة : 6
تاريخ التسجيل : 28/09/2009
العمر : 38
 المزاج : عالي
 
 | | موضوع: ها طفولتك اخبارها اية متشردة ولا هادية ولا اية بالظبط ادخل قولنا الثلاثاء أكتوبر 20, 2009 5:58 pm | |
| الموضوع ببساطة ان كل واحد هيدخل يقولنا طفولته كانت اية اخبارها
و انا هبتدى
طفولتى متفهمش مالها
بالرغم انى كنت دايما الاول ع المدرسه بس شكلي كدا يوحيلك اني غبي
منساش انى كنت داخل مستمع واول يوم ليا فى المدرسه سقفولى علشان كتبت اسمي كله بالكامل وبسم الله الرحمن الرحيم
وانا عندى 5 سنين
بس مش كنت بلعب فى الشارع علشان التراب .. كنت عيل نضيف ..
بس كانت بنات المدرسه كلها اصحابى مش عارف ليه هههههههههه
كمان انا فى رابعه وخامسه ابتدائى كان ليا 2 اصحابى .. شله كده مش بنفارق بعض
العبد لله كان عامل زي "البرطه"
لا كنت بتكلم و لا كنت شقي و لا ..... من الآخر .. .كنت عيل رخم كده ..
مكان ما يحطوني أفضل قاعد ..
و اللي زاد الطين بله .. إني لحد قبل ما أدخل المدرسة كنت "ملظلظ" من الخدين
فكنت ببقى "مكلضم" على طول ... و الكلضمة باينة
ده غير إني كنت "بدمعة" و بعيط بسرعة قوي
كنت رخم بكل ما تحمله الكلمة من معانٍ رخمة
متهيأ لي ما كانش حد بيطيقني غير الست الوالدة و العائلة الكريمة .. القرد في عين أمه غزال
و تمر السنين و الأيام لحد 3 إعدادي لما "اتحررت" شوية ,
و بدأ يبقى لي أصحاب ... أو بمعنى أصح .. زملاء
من الآخر .. أنا
لو كنت أبويا كنت زماني رميتني في الشارع لأني كنت حتة عيل "لطخ" جامدة قوي الكلمة الأخيرة دي .. معلش يا أنا
انا حتى لما اشوف صوري وانا طفل
بقرف
ايه العيل الغتيت ده
وماليش دعوه بحد
لحد ما كبرت شويه
عارفين العيال الرخمه اللي مش بتغيب ولا يوم
وعلى طول اول كرسي
ولو مش من الاوائل يجيلي حسره في بطني
يااااااااااه
الله لا يعودها ايام
طفولة زباله زباله
يلا بقى عشان ريق صوابعي نشف من الكتابه
يلا مين عليه الدور
| |
|
هالة محمود
Admin
برجي هو : 
عدد المساهمات : 10835
نقاط : 17167
السٌّمعَة : 114
تاريخ التسجيل : 19/07/2009
الموقع : www.elamira.banouta.net
المزاج : كوووووووووووووووووووول
| | موضوع: رد: ها طفولتك اخبارها اية متشردة ولا هادية ولا اية بالظبط ادخل قولنا الأربعاء أكتوبر 21, 2009 3:55 am | |
| انا اللي علية الدور
انا باندة
طفولتي كانت احلى طفولة ممكن يعيشها طفل او طفلة
لاني كنت شقية جداااااااااااااااا
كنت احب العب كتير وكنت احب اقلد البنات الكبيرة
فمثلا لما كان سني 5 سنين شوفت بنت ماشية في ا لشارع ولابسة جذمة بكعب عالي
طلبت من ماما البس جذمة بكعب عالي زي البنت دي
طبعا الكل قعد يضحك على المفعوصة اللي عايزة كعب عالي
ولما لقيت محدش عبرني
جبت الجذمة بتاعتي واخدت مكعب من مكعبات العابي
ورحت اخذت اللصق بتاع بابا من وراه طبعا
ولصقت المكعب في الجذمة من الخلف
ولبست الجذمة ام كعب وطبعا خرجت للشارع عشان كل الناس يشوفوا الكعب
وطبعا اتكعورت واندلقت على الارض 100 مرة
وفي المرحلة الابتدائية كنت العب جمباز
فكنت لما اطلع السلالم عشان اروح فصلي اطلع على ايدي مش على رجلي
كنت مجننة المدرسين
لكن كنت من الاوائل دائما
وفي المرحلة الاعدادية لعبت سلة وطائرة
ولما كبرت تمنيت ارجع تاني لطفولتي واعيشها من جديد
مين اللي بعدي.....؟ | |
|
