بسم الله الرحمن الرحيم
ساروى لكم واقعة حدثت معى من فترة قريبة عندما كنت عائدة انا وزميلتان لى من امتحان اللغة الانجليزية بالمعهد اوقفنا تاكسى كالعادة عشان نروح وركبنا وقعدنا نراجع اللى حلناه فى الامتحان والنقاط الصعبة واللى مافهمنهاش فيه كانت ايه واذا بالسائق يثار علينا ويدخل فى الحديث ويقولنا ممكن اسألكم سؤال ؟طبعا زوقيا قولنا اتفضل مع اننا عمرنا ما كنا نسمح نتكلم مع سواق عشان بيكونوا رغايين وبيدخلوا فى اللى مالهومش فيه ساعات كتير فكنا ساعات نعمل نفسنا مش سامعينه فما يلاقيش اجابة فيسكت انما الاستاذ دا سال قال ايه ؟
ليه البنات فى مصر بقت الكلمات الانجليزية فى بقهم على طول يعنى يتكلموا كلمة عربية وكلمة انجليزية ولو جيت تكلم واحدة فيهم تقولك اصلى تعليمى كدا واتعودت على كدا طب ما انا السواق يعنى مرشد سياحى وباتكلم كذا لغة ومع ذلك لما انزل بلدى ما اتكلمش ولا كلمة انجليزى او غيرها ؟
وضحناله نقطة اننا كنا فى امتحان ومش طالعين نتفلسف عليه زى ما فاهم ؟
وفجأة قالنا انا متجوز من واحدة بولندية ومسلمة وظفرها برقبة المصرية واخذ يلعن فى الفتاة المصرية وما اصبحت عليه الان وان كل الى يهمها الشقة العربية العريس عنده كام ؟
سألته زميلتى قالتله ومراتك قاعدة معاك هنا ولا انت قاعد معاها هناك السؤال العادى ؟
شوفوا الاجابة تقعد فى مكان ومش لازم اكون عارف هيا فين انا واثق فيها بس هيا فى بلدهم دلوتى وبتنزل كل فترة تشوفه ايه رايكم ؟
الاستاذ لو اتجوز مصرية كان عمل راجل وسبع البورمبة وقالها رايحة فين وجاية منين ويمكن يحبسها فى البيت ؟
انما لما بقت اجنبية لا دى فاهمة واحسن من المصرية احسن منهافى ايه انها بتصرف عليك وعجبى على الرجالة
دلوقتى فى سؤالين ومشكلتين فى وقت واحد
الزواج من اجنبية ليه الشباب بقت تجرى وراه اوى حتى ولو كانت اسرائيلية ؟
البنات بل والشباب بقى كلامهم يتخلله كلمات انجليزية خايفة على لغتنا بجد ؟
ارجوكم ناقشوا الموضوعين وضعوا اسبابا لهما وناقشوا القصة معايا
منتظراكعمر اتفضل قول رايك وانتقاداتك للمصرية ؟
المزاج
