مقارنه بين مـصر وأمريكا خش بركلك اليمين

مقارنه بين
الحياة فى
مصر و امريكا
******************************************
*مصر*
: لو انت اشتريت اى حاجه وقابلت واحد مصرى
هيقولك اشتريتها بكام
هتقول مثلا
100 جنيه
الرد هيكون
يااااااااااااااه ضحكوا عليك لو كنت بس قلتلى
ده انا كنت جبتهالك بنص الثمن
ولذلك يفضل لو اشتريت حاجه و حد سألك على السعر
قوله دى مجانا

**************
لو انت فى امريكا وسالت حد على سعر حاجه
الرد هيكون
هيقولك
خليك فى حالك
او
it is not your bisnes
بالعربى
ده مش شغلك

****************

* مصر*
المواصلات بتبقى بالشكل ده

لو عايز تشاور لتاكسى
التاكسى على اخر سرعته
وانت رقبتك معاه

الجيزه
طب العتبه
طيب العجوزه
واخر لما تزهق
طب حضرتك رايح فين خدنى معاك طيب

طبعا سواق التاكسى رده بيبقى حاجه زى كدا
يشاورلك باحتقار
يحدفك بحاجه

يقولك مش فاضي
(حلو اوووى سواق تاكسى ومش فاضى يركبك مع العلم ان التاكسى فاضى مفهوش ولا راكب )
او المصيبه الكبيره يقولك
اصلها مش فى سكتى
يا حول الله
هو انا لما احب اوقف تاكسى عشان يروح فى سكتى انا ولا عشان اروح انا معاه فى المكان اللى هو ناوى يروحه

ولو فرضنا انك ركبت
لو وده قليل يعنى قبل ما تحط رجلك تحس ان التاكسى منفد على محطه مصر

واول كلمه ينطقها
الاجره هتبقى 12 جنيه زمن السابعة جنيه انتهى
كل حاجه بتغلى هتتكلم انزل من اولها
وانا بقولك اهو
ولما تيجى تنزل تدور على حاجه تفتح بيها الباب تلاقيها مكسوره او محروقه
تيجى تنزل يعينى
تلاقى نفسك ادامك عقبال اما توصل للمكان اللى انت عاوز تروحه يجى كمان
2 كيلو مشى
تسألو ليه يا اسطى نزلتنى بعيد عن مشوارى
رده بيكون حاجه تنقط اوتشل
اصل انا رايح لولادى ولو عديت من الشارع ده هوصل اسرع

ينهارفحولقى انا مالى ومال ولادك
او مثلا يقولك
اصل معايا زبون وهوصله ومن هنا اسهل

مش فاهمه يعنى هو زبون وانا خروف
ويعينى تلاقى الزبون التانى هيمشى بردو بتاع
2 كيلو هو كمان

او يقولك
اصلى تعبان وهسلم الورديه

ما تعبان يقعد فى بيتهم بدل ما ينزل يزل خلق الله
وتضطر انك تاخد مواصلة تانيه

ويا سلام لو الشيطان وزك يا ابن الناس وحبيت تركب اتوبيس
يااااااااااااااه
عارف لما تستعد للجرى
رجلك لوراه وايدك على الارض
واول ما الاتوبيس يجرى
تنط تلزق فى بنطلون اى حد
تلاقى ناس رجلها طالعه من الشباك
واللى متشعلق فى جيب بنطلون
والله
محد يعرف يعملها غيرنا
احنا بنتصرف بردوا
وتبقى حلو اوى وانت متشعلق فى جيب واحد
ويجى يقولك
تذااااااااااااااااااكر
وادفع زيك زى اللى قاعد
طبعا احنا بنستسهل وننط من الاتوبيس ونكملها دحرجه
ويا سلام لما الاتوبيس يقف
علشان ينزل الركاب
هما ثانيتين تعرف فيهم تعدى فى وسط الزحمه دى وتوصل للباب وتنزل
واحنا طبعا بنشغل مخنا
من الشباك على طول
تلاقى حاجات عماله تنط كدا
واللى يصدمك ان مفيش حد بينزل
كله بيركب بس

ولذلك يفضل وانت فى مصر
خدها موتو رجل
اى مشى ومتفتحشى بوقك وتشتكى
كدا ارحم بكتير

****************************

واحلى حاجه لما تقول لظابط مرور لو انت صغير
عموو عدينى الناحيه التانيه علشان العربيات كتير
الرد بيكون محترم جدا
انا اسيب مكانى واعديك ليه
خلفتك ونسيتك اجرى غور
انشلله يشيلك مترو الانفاق حتى
يلا خلى الكثافه السكانيه تقل
الواد بيقولى عدينى

هاتوا لى الكلب ده على القسم
فى الاحداث يا جزمه
*************
اما فى امريكا
بصوا الحلاوه
يا صلاة النبى
مفيش عسكرى مرور اولا
هى اشاره تفتح العربيات تعدى
تقفل الناس تعدى كله عارف نفسه ومحترم
حبيت تركب تاكسى
بيجيلك واحد يوقفلك تاكسى
تركب لوحدك فى التاكسى او انت وصاحبك او صاحبتك
المهم محدش بيركب جنب السواق اللى اذا كان
(خاطف التاكسى )

وتركب افندى وتنزل باشا السواق يفتح الباب
توماتيكي

ومحطه الاتوبيسات عندهم

لو لقيت اكتر من تلاته واقفين يبقى زحمه الكراسى على قد الركاب وبحزام الامان والعصاير والسندوتشات
ويقف الاتوبيس وسواقه زى الجزم يستنوا الركاب
لحد ما ينزلوا
ناقص يوصلهم لبيوتهم ويحطهم فى سرايرهم
*************
جتنا نيله فى حظنا الهباب

**************
وخد دى كماااااان
طاااااااااااااااااااااااااااااااااااااااابور
العـــــــــــــيـــــــــــش

تحس انى بقول
اسم فيلم رعب
صح

فى مصر
اكيد مش هوصف كتير كلنا عارفين يعنى
قبل ما تطلع من بيتكم بتصلى ركعتين وتنطق الشهاده
وتنزل
بتقف فى مكان كبير
وبلاد تشيلك وبلاد تحطك
لحد ما تاخد مكانك فى الطابور
وغالبا بتكون اول واحد
فى الطابور الخمسين بعد الألف
والشمس زى ما تكون قاصده يا جدع
بتكون عموديا على راسك تروح يمين وراك شمال والنعمة ما هتسيبك
اذا ربنا ادالك طولة العمر
وكملت فى الطابور ومخدتش مطوه ولا سكينه فى بطنك
ولا اتسرق منك الفلوس اللى هتشترى بيها العيش
ووصلت لارض الاحلام
شباك العيش
المكان اللى كل مصرى بيحلم انه يعيش ادامه
بتدى لبتاع العيش الفلوس
وغالبا بيبقى اسمه
(ابن التيــــــــــت)

وتقفلك يوم او يومين
عقبال ما تاخد العيش
ومش اى عيش
هو عبارة عن
قرص مستدير يتوسطه كتله من المسامير
وعلى جانبه بعض من الزجاج والقليل من الاتربه
تحدفه فى الحيطه يكسر الحيطه

وسبحان الله كانك وانت رايح عشان تطلع من
الطابور ان معاك كنز
الناس تخطف من العيش لو جايب
20 رغيف
تطلع ب30 مرض
ضغط وسكر وبنكرياس وكلى وكبد وطحال
وقوانص وشلل وعما وتخلف واندهاش
الخ...........
وان اشتكيت يقولك

احسبها صح يا ابو السيد
الطابور لمصلحتك اولا

*************************
امريكا امريكا
ديلفرى
6 رغيف عيش بليز
فى 6 دقيقه
يوصل ديلفرى مان
يدى حضرتك
6 رغيف عيش مدعم
والرغيف
بسم الله ماشاء الله
بالنسبه لينا احنا
غموس

مش عيش
**الناس خبتها السبت والحد واحنا خبتنا موردتشى على حد **

والله ياانفاس

دي مش مقا رنة اد ما هي

حال محدش قابله ولا عايز يرضى عنه

مشكور انفاس على موضوعك الجميل اوي

على فكرة يا انفااااااس ان فيه فروق كتيرة كلها مش لصالح مصر

مش بين مصر وأمريكا

لا هنقول بين مصر وأسوا دولة من دول العالم الثالث

أكيد احنا اساسا مش من دول العالم الثالث

تقريبا تصنيف اقل من كده

قلبت علينا المواجع يا انفاااس

بس دى فى الاول وفى الاخر برضه مصر

ولازم نستحملها زاى مهى كده

بنحبـــــــــها

لك كل الشكر انفاااس على موضوعك

تحياتى ومودتى

منك لله
لعلمك فى اوضاع اسوء من كده بكتيييييييييييير جدا
الاسوء
ان الاسوء
اسوء

يؤ يؤ يؤ بينلي عكيت وقلبت المواجع بجد ياجماحه دا حالنا كلنا علشان احنا بصراحه الشعوب المغلوب على امرها وصبح صبح ياعم ممدوح ياسروي انت ومتموزيلتنا شهد والبق بوس باندتنا ومنك لله انت ياممدوح ياسروي

» مقارنه بين فنانات هوليود ومرعبات الخليج
» مقارنه بالصور و المواصفات بين لكزس 460 و مرسيدس S500 و 2009 BMW 750iL