تعديل الامثلة القديمة

تعديل الامثلة القديمة

1 - اللى بيته من إزاز ميغيرش هدومه فى الصالون .
2 - فاقد الشىء يدور عليه .
3 - اقلب القدره على فومها الفول يقع منها .
4 - تأتى الرياح محمله بالأتربة .
5 - ياخبرالنهارده بفلوس بكره ينزل عليه أوكازيون .
6 - اللى معاه قرش محيره يجيب حمام ويحمره ..
7 - جت الحزينه تفرح شغلت شريط حكيم وقعدت ترقص .
8 - قال يامحشحشين يكفيكوا شر الكمين .
9 - اللى ياكل لوحده يشبع .
10 - لاتبكى على اللبن فى البسكوت .
11 - اقطع عرق و حته بتلو .
12- اطبخى ياجاريه الأنبوبه فاضيه يا سيدى .
13- لو حبيبك عسل ما تحطلوش طحينة .
14 - اللى يتلسع من الشوربه يتصل بالمطافى .
15 - وبكره ترجع ريما من عند خلتها فى مارينا .
16 - ياداخل بين البصله وقشرتها حط قطرة علشان هادمع من ريحتها .
17 - اصوم اصوم وافطر على المدفع .
18 - القرش الأبيض بيعوم فى البحر الأحمر .
19 - ضربوا الأعور على عينه قالهم كسرتوا النضاره ,
20 - قالوا للحرامى أحلف قالهم وحياة قلبى وأفراحوا .
21- اللى ميشفش من الغربال يكشف نظر .
22- المال السايب يعلم الطلبه .
23 - نام وارتاح وكل عسل نحل التمساح .
24 - من خرج من داره مينساش يأخد المفتاح معاه .
25 - الباب اللى يجيجلك منه الريح شيله وركب قبنورى .
26 - المضطر يركب التاكسى .
27 - رب صدفة خير من ألف ليلة و ليلة .
28 - اللى يخاف من العفريت يعمل عبيط .
29 - المركب اللى فيها رايسين يلعبوا طاولة .
30 - اللى خدتوا القرعه تخدوا ام الخلول.
32 - أكل العيش يحب الطعميه .
33 - العين عليها lenses

ههههههههههههههههههههههههههههههههههههههههههههه

جميييييله اوى يا ابو دم خفيف ولذيز
تسلم يا غالى

أمير الحب كتب:: ههههههههههههههههههههههههههههههههههههههههههههه

جميييييله اوى يا ابو دم خفيف ولذيز
تسلم يا غالى

أشكرك وتسلم يا امير حبنا ...

- اللى بيته من إزاز ميغيرش هدومه فى الصالون .

- تأتى الرياح محمله بالأتربة .

ياخبرالنهارده بفلوس بكره ينزل عليه أوكازيون .

اللى ياكل لوحده يشبع .

اللى يتلسع من الشوربه يتصل بالمطافى .

القرش الأبيض بيعوم فى البحر الأحمر .

موضوع رائع

ههههههههههههههههههههههههه

كل جملة اجمل من اللي بعدها واللي قبلها

تسلم الايادي يادكتور

وما تتاخرش علينا في الموضوع الجاي

انا عن نفسي بستنى مواضيعك عشان بتعمل لي ريفرش

المركب اللى فيها رايسين يلعبوا طاولة .

شكرا لتعليقك اللي باستناه بشوق . لانه هوه اللي بيعملي أنا ريفريش ,

يخليني أنطلق بعدها زي القطر .. خلي كل اللي عندك يوسع , انا مش

مسؤل عن اللي حيقف أدام القطر -أصدي أدامي ههههههههههه .

» قناه اسلاميه جديده
» عادت حليمة لعادتها القديمة‎‎ ما اصلها؟
» [شرح] تعديل صيغة التاريخ بالمنتدى
» من قواعد تعديل سلوك الصغار
» سور بغداد والمدافع العراقية القديمة