الزواج بالاجنبيات


	السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين أخوتي وأخواتي بالبوابة الغالية موضوع يدور بذهني منذ فترة ليست بالقصيرة وهو زواج من كان بالخارج بالأجنبيات وقد كانت هذه المسألة تأخذ حيز من التفكير لما يحدث من المشاكل با النسبة للأبناء فقد ترفض الزوجة الأجنبية ان تكون مع زوجها ببلده العربي فتلجأ الى أخذ أبنه والأكثر جزنا أبنتها والكثير من المشاكل التى تحدث عندما يكمل دراستها ويفكر بالعودة الى أرض الوطن وغيرها من المشاكل السؤال الذي يطرح نفسه : هل أنت مع الزواج بأجنبية أما رفضه ؟؟ 2- كيف يمكن ان تحل مسألة الأبناء ان وجدت للنقاش

موضوع مهم ياباندة
انا شاب ولي طموحات كثيرة ورغم ذلك
ارفض مسالة الزواج باجنبية الا ان كانت عربية
والاجنبية التي اقصدها هي ان لا تكون من بنات بلدي
الزواج من اجنبيات مشاكله كثيرة جداااااا
مشكورة باندة على طرح هذا الموضوع

عندك حق ياياسر انك تخاف من الزواج من اجنبيات

اشكرك على المرور

اشكرك سندريلا على التواجد

بصو
انا مش حتجوز اساسا
ههههههههههههههههههههه

ههههههههههههههه

ههههههههههههههههههههه

ليه كدة بس ياميرو

ددا انا نفسي افرح بيك واجو زك

ياراجل قول كلام غير دة

البنت الاجنبية
وفيه لحبها وحبيبها ولاتعذبه ولاتنكل بمن تحبه مثل البنت الشرقية
والبنت الاجنبيه اذااحبت احبت باخلاص يفوق بمراحل حب البنت الشرقية
اذا اتفقت مع الاجنبية على الزواج فلا شبكة ولامهر ولا مقدم ولا مؤخر ولاكل عذابات بنات الشرق
انظروا الى اثاث اى شقة لاى بنت اجنبية
واذاكنتم لاتعرفون اسالوا من سافر وعاش باوربا
تعالوا نذهب الى اى قرية مصرية واسمعوا كم المهازل فى الزواج
البنت بصمجية
اى لم تتلقى اى قدر من التعليم
تريد حجرتى نوم
واحده للاطفال طيب ياستى انتى يمكن متخلفيش
لآ انا اخلف
واول خلفة تؤام وهاسميهم الاثنين زليخة
ماشى
وبعدين
عايزة انترية وصالون طيب ياستى كفايه واحد من الاثنين انتى شايفة الزوار دخلين طالعين
لآه
انا مش اقل من بنت خالتى سنية جنح
ماشى امرى لله
وعايزة سفرة 13 كرسى علشان انى ليا 13 اخ
طيب ياستى انتى واهلك بيكلوا على طبلية خشب لازم تكلى على سفرة عمر ابوكى ماشفها
لآ
انى مش اقل فتكات الهبلة بنت عمتى
ماشى امرى لله
وايه تانى
تلفزيون 34 بوصة
اقول فى نفسى التليفزيون بتاعهم 14 بوصة والالوان عندهم فى تليفزيون كلها ازرق
امرى لله
وايه تانى
عايزة كمبيوتر
نعم ياختى
كمبيوتر
هتعملى ايه بيه
يابابا علشان العب عليه السيجه
وبعد فترة توصلى نت
كمان
وعليك السجاد والستائر والتنجيد والشقة تكون مدهونة بافخر البويات
عندك فى السوق ماركات ايطاليه نزله قريب
تدهن الشقة باحدى الماركات المشهورة
ولاتنسى انك تجيب قلل صغيرة
علشان احطها فى الثلاجة
يعنى تجيب مقاس صغير علشان تعرف تحطه فى الثلاجة
الدموع تنهمر من عينى
حد ياعالم بيحط القلة فى الثلاجة
وايه تانى
الكوافير
ماله
يكون السيد زعبله فى المنصورة بياخد 800 جنيه بس
بس
اه
يعنى مينفعش خلتك ام السيد الواطى
تعملك الشغله دى
لآ
وعايزة الفيديو
ماله
3 شريط ماركة وستجهاوس
كمان
وعايزة مصوراتى من اسكندريه بيجى فى التليفزيون
القناة الخامسة
ويكون 250 صورة
ويطبع عشر نسخ اوزعها على العيلة
وايه تانى
هو طلب سخيف شويه
ايه ياستى
انا بحب الجاموسة بتاعتنا اوى ومسمياها ام السعد
تجيب لها فستان وشمعدان على راسها علشان هتحضر الفرح
تأخذنى شهامة الرجل الشرقى
وهو يعنى الحمار بتاعكم مالوش نصيب
انا اجيب له كمان بدله
زيتى من المحلة الكبرى وهاجيب له صاجات لودانه

واخد بعضى وقفاى مامر
عيش
والدموع تخنقنى
واتذكر عباراة الامام محمد عبده سنه
1894
وهو يقول رأيت فى بلاد الفرنجة مسلمين بلا اسلام
وفى بلادنا اسلام بلا مسلمين

لذلك اقول البنت الاجنبية
افضل مليون مرة من البنت الشرقية
يكفى انها اكثر وفاء واخلاصا
يعيبها انها تريد ان تكون اكثر استقلالية وفق منظور الغرب للحريه الشخصية

وهذا هو راى

اخي العزيز ممدوح السروي

كلامك عن المغالاه في المهور والشيكة والطلبات صح مية في المية

اهل العروس بيطلبوا اشياء فوق قدرات الشباب

والطلبات دي بتكون طلبات تعجيز

لكن مع احترامي الشديد لرايك

انا ضد اني اجوز ابني مثلا من اجنبية

لانه لو اتجوز اجنبية يبقى لازم يقلع رجولته وكرامته ويحطهم تحت رجليها

لان الاجنبية عندها حريتها الشخصية فوق كل اعتبار

ولا يجوز ان جوزها يوجهها او يلومها على اي شئ تفعله

مش كدة ولا ايه ؟؟؟؟؟؟؟؟؟؟؟؟؟؟؟؟

وبعدين ياخي ممدوح النبي عليه الصلاه والسلام قال

فاظفر بذات الدين تربت يداك

صدق رسول الله صلي الله عليه وسلم

انا يا جماعة أدلو بدلوي في الموضوع ... التجارب الكتيره السابقة تخلينا ما نطلقش احكام
عامه على كل حاجه , فكم من الحالات اللي نجحت فيها فكرة الزواج من الأجنبية , و كم من
الحالات اللي فشلت .. وأيضا كلنا عايشين - و خصوصا في زمننا الحاضر , الفشل المتزايد - مقارنة
بزمننا الماضي - فى الزيجات الحديثة , طبعا زي ما قلتم بسبب المغالاة و التقليد الأعمي وباقي
الأسباب القليلة المقنعة و الكثيرة الغير مقنعة .. عشان كده , انا رأيي إننا لا نقبل ولا نرفض على
الإطلاق فكره الزواج من الأجنبية .. فكل حالة لازم تؤخذ بحالتها ..لاني أعرف حالات ناجحة جدا
من الزواج بأجنبية .. و أنا اشوف كمان إن الفيصل هنا هو الرجل .. فلو قدر انه يقنع زوجته الاجنبية
بعاداتنا و تقاليدنا و كان متمسك بيهم و اللي تختلف عن عاداتهم و تقاليدهم .. في اللحظة دي , يكون الزواج
ناجح بنسبة عالية جدا .. اما إن لم ينجح في إقناعها , فالإختيار له و يكون هو الجاني على نفسه إن قبل
وفي هذه اللحظه لا يفرق معاه إن كانت عربية أو أجنبية ,فما يرضي عليه من هذه , يقبله من تلك ..المهم
انه يجد الإنسانه اللي تريحه و تسعده .. كمان موضوع الزواج من أجنبية , لا يكون قرار مسبق من الرجل
لكنه بيكون نتيجة ظروف خاصة , لا تكون متاحه لكل الرجال .. فهي ليست قضية عامة نعاني منها ,

لكن الحالة الوحيدة اللي ارفض فيها مجرد فكرة الزواج من أجنبية , هي أن تكون الأجنبية دي يهودية أو إسرائيلية
لأن النشئ اللي حينتج من الزواج ده حيكون جيش جديد من الإخوة الأعداء ... أشكركم لطرح الموضوع
و أسف للإطالة

اهلا بك يادكتور وبارائك الرائعة

والصائبة في احوال كثيرة جدااااااااا

فانا لا اعارض الزواج باجنبية الا لانها لن تعرف ما هي

عاداتنا الاسلامية ولا تعرف الاصول بتاعتنا والعيب والصح والغلط

كل دة معكوس عندها في بلادها

الصح عندها قد يكون عيب عندنا وهكذا

اما النصيب فلو كان مكتوب ان فلان يتجوز امريكية او اي جنسية اخرى

فسوف يحدث باذن الله

واشكرك على ردك الرائع وكنت اتمنى تطول اكتر من كدة

لان انت عارف اننا كلنا بنحب كلامك جداااااااا

» الزواج ...
» المراة بعد الزواج
» الزواج سر السعادة
» العنوسة وتأخير سن الزواج في مصر
» من أقوال المشاهير عن الزواج