- بانـــــــــدة الإسكندرية كتب:
مرحبا بك يادكتور على الكرسي
بناء على طلب الاعضاء
وسابدا انا بوضع اول سؤال
====================
تفضل بالجلوس واسترح
====================================
ونقدم لك اجمل كاس لا يمكن مقاومته
=================================
الســــــــــــــــــــــــــــؤال الاول
الذي يتكون من عشرين سؤال
1- بطـاقة تعارف .. مين السلحدار؟؟
( أسمـك بالكـامل_ السـن_ الدراسـة_محـل الاقـامة)
2- هـوايتك المفـضلة وأكلتك المفضلة ؟
3 أقرب نـاس ليك هنا فى المنتدى وبصراحة ومن غير لف ودوران ويكونو
3 بسسس
4- عـرفت منتدىالاميرة ازاي ؟
5- حـبيت كـام مرة ؟
6- كـام مرة ارتبـط ببنت على سبيل تقضية الوقت ؟
7-منتـدى الاميرة بيمثـلك ايـة من حياتك ؟ وتقدر تديـلو كام فى المـية من حياتك؟
8-إية رايك فى المنتـدى؟
9- إيـة الاشياء الى معـترض عليها فى المنتـدى؟
10-بتـصلى الوقت بوقتة؟
11- عـندك كام اخ واخـت
12- انتـا راضى عن نفـسك؟ ولو راضـى لية راضى؟ ولو مش راضى لية برضو؟
13- كم مرة حبيت بجد في حياتك ؟ جاوب بصراحة احسن جهاز كشف الكذب شغال
14- بتحب مراتك ؟ اد ايه ؟
15- شخصية تعتز بيها اوي؟ وشخصية عايز تضربها ببندقية كلشنكوف ؟
16- كلمة حب تقولها لمين ؟
17- كلمة عتاب تقولها لمين ؟
18- عبارة ( قوم اقف وانت بتكلمني ) تقولها لمين ؟
19- معاك وردة تهديها لمين ؟
20- لو تم ترشيحك لتكون ملك اي بلد تختار تكون ملك عليها؟
========================================
بس كدة انهاردة
دي شوية اسئلة نسلك بيهم الزور
اروح بقى احضر الاسئلة
باي مؤقتا يادكتور
اليكي يا باندة إجابات اسئلتك , بس انتي كده ماخلتيش مجال لأي حد يسأل تاني لانك سألتي عن كل حاجه .. بس اعذريني ,مش حاجاوب على الاسئلة
في قعده واحده ..
1 - بطـاقة تعارف .. مين السلحدار؟؟
( أسمـك بالكـامل_ السـن_ الدراسـة_محـل الاقـامة)
اسمي : السلحدار محمودجمعة ..واسم الشهرة : صلاح
السن : 51 سنة الدراسة : دكتوراة في الكيمياء
العمل : استاذ بكلية العلوم
محل الاقامة : القاهرة .. وحاليا معار بالمملكة العربية السعودية
2 - هـوايتك المفـضلة وأكلتك المفضلة ؟
هوايتي المفضلة هي الموسيقى .. وأعزف على آلاتي الكمان و العود
أكلتي المفضلة : الملوخية بالارانب
3 - أقرب نـاس ليك هنا فى المنتدى وبصراحة ومن غير لف ودوران ويكونو3 بس
أقرب الناس لي هنا هي باندة لسابق صداقتي لها .. وصعب أختار
إثنين أخرين من المنتدي , فكلهم لهم نفس المعزة والله
4 - عـرفت منتدىالاميرة ازاي ؟
عرفته من الصديقة العزيزة باندة , حيث اننا أصدقاء منذ فترة
عن طريق موقع أخر .
5 - حـبيت كـام مرة ؟
ياااه , ليه السؤال الصعب ده .. حب حقيقي ؟ 3 مرات ..
6 - كـام مرة ارتبـط ببنت على سبيل تقضية الوقت ؟
بصراحة شديدة مش فاكر , فهن كثرٌههههههههه
7 - منتـدى الاميرة بيمثـلك ايـة من حياتك ؟ وتقدر تديـلو كام فى المـية من حياتك ؟
بصراحة , أصبح يمثل جزء كبير من حياتي , و أول ما بفتح المنتدى
بحس اني داخل بيتي , وبدخل كل الحجرات ادور عليكم واحد واحد
فأنتم زي اهلي و اخواتي .. وأدي المنتدي 70 في المية من حياتي
8 - إية رايك فى المنتـدى؟
سؤال مالوش محل من الاعراب يا بانده , كفاية انه فيه مجموعة
رائعة من الاصدقاء بيفخر بيهم اي منتدي , وراجعي اجابتي علي
سؤالك السابق ..
9 - إيـة الاشياء الى معـترض عليها فى المنتـدى؟
مش اعتراض , ولكن طلب ليكتمبتـصلى الوقت بوقتة؟ل المنتدي , وهو عمل شات صوتي
للحوار بين اصدقاء المنتدي ..كمان الثبات على شكل معين
للمنتدي , لاني بلاحظ كتر تغيير شكله , والوانه .. وجود شكل
معين للمنتدي من اساس شخصيته ..
10 - بتـصلى الوقت بوقتة؟ الحمد لله .
11 - عـندك كام اخ واخـت ؟
عندي أخ واحد , و 4 بنات ...
12 - انتـا راضى عن نفـسك؟ ولو راضـى لية راضى؟ ولو مش راضى ليةبرضو
سؤال صعب فعلا ..الحمد لله انا راضي عن نفسي لسبب مهم جدا , وهو
اني احمد ربنا إنه هداني أن أبر بأمي و أبويا وماتواوهم راضيين
عني , وده يكفيني ...
13 -كم مرة حبيت بجد في حياتك ؟ جاوب بصراحة احسن جهاز كشف الكذب
شغال .
جاوبت على السؤال ده قبل كده( السؤال الخامس ).
14 - بتحب مراتك ؟ اد ايه ؟
بحبها جدا.. بلاش حسد هه .
15 - شخصية تعتز بيها اوي؟ وشخصية عايز تضربها ببندقية كلشنكوف ؟
شخصيات كتيره في حياتي فعلا اعتز بيه جدا, لكن اهمهم عندي كان
زميل لي توفاه الله , الله يرحمه ... اما الشخصية اللي تستاهل
الكلشنكوف فهي كل شخصية خائنة غادرة تخون بلدي ...
16 - كلمة حب تقولها لمين ؟
أقولها لمراتي و أولادي ..
17 - كلمة عتاب تقولها لمين ؟
أقولها للي حطني في الموقف اللي انا فيه الوقتي هههههههههههه .
18 - عبارة ( قوم اقف وانت بتكلمني ) تقولها لمين ؟
لأي طالب بيسألني في المحاضرة وهو واقف ....ههههههههههههههه
19 - معاك وردة تهديها لمين ؟
وده برضه سؤال يا باندة ؟ طبعا لكل واحد موجود معانا في
المنتدي تعبيرا عن اعزازي بيهم جميعا ..
20 - لو تم ترشيحك لتكون ملك اي بلد تختار تكون ملك عليها؟
أختار بلد يكون كل سكانهامن النساء , لاني اعرف اتعامل
معاهم كويس هههههههههههههههه ..
وأخيرا , كده يا بانده , ربنا ما يحكمك على حد , هدتيني بأسئلتك دي
بس كانت خفيفة الدم و الظل .. وكنت فيها صريح جدا, وخصوصا اجابة السؤال الأخير ههههههههههههههههههه .
شكرا ليكي و لكل عضو وعضوة في المنتدي .. وإلى اللقاء في اسئلة
أخرى وحياة أغلى حاجه عندكم خليكوا حنينين معايا ..
ولكم جميعا تحياتي ....
المزاج
