دكتور السلحدار على الكرسي

shosho كتب:

انا هسألك اسئلة حنينة شوية ومش كتير

س 1 /متى يقسو قلبك ؟ وليه ؟

س 2 /لمن تعطى هذه الاشياء :وليه؟

- ورده حمراء

- قلم ذهبى

- مكنسه

-ورقة بيضاء مع ذكر السبب ؟

س 3 / مين مثلك الاعلى ؟

س 4 / كلمة دائما ترددها ؟

س 5 / تختار مين بعدك على الكرسى ؟

**************
كفاية عليك كدة
عشان ابقى فرقت عنهم
ويا رب تكون اسئلتى خفيفة عليك
بااااااااااااااااااااااى

بالعكس يا شوشو ,اسئلتك حلوه و لذيذة , حجاوبلك عليهم بصراحة :

س 1 /متى يقسو قلبك ؟ وليه ؟

ج : قلبي يقسو على كل من خدعني أوكذب عليا متعمدا .. وده عشان انا أحب أن يعاملني الناس زي ما أنا

بعاملهم , وخصوصا لو ده جه من واحد له مكانه في قلبي , وقتها قسوة قلبي تكون اكبر , لان الجرح بيكون أشد .



س 2 /لمن تعطى هذه الاشياء :وليه؟

- ورده حمراء
- قلم ذهبى
- مكنسه
-ورقة بيضاء مع ذكر السبب ؟

ج : أعطي الوردة الحمراء للأنسانة التي احبها .. زوجتي ..
أعطي القلم الذهبي أيضا لزوجتي , لانها مغرمة بالدهب مهما كان الشكل اللي عليه .
أعطي المكنسة برضه لزوجتي ، عشان مكنستها قدمت شوية ههههههههههههه .
أعطي الورقة البيضاء برضه لزوجتي !!!! , عشان تكتب فيها بالقلم الذهبي قصائد شعر
تشكرني على كل اللي اديته لها فوق هههههههههههههههههههههههههههههههههه .


س 3 / مين مثلك الاعلى ؟

ج : مثلي الأعلى هو والدي اللي احسن تعليمي و تربيتي , وبامشي على نهجه في حياتي .

س 4 / كلمة دائما ترددها ؟

ج : لو كلمه واحده بس , أقول : يارب ...
ولو جملة , أقول : يارب السؤال الجاي يكون سهل هههههههههههه

س 5 / تختار مين بعدك على الكرسى ؟

ج : ههههههههههههههههههههه , هو فيه غيره , طبعا الحافي صاحب الفكرة اللي مخلياني قاعد
زي التلميذ , بذاكر ليل نهار خوفا من اي سؤال يخليني مزنوق اداكم وعايزه يقعد كده مزنزق
زنقتي دي هههههههههههههه .


أسئلتك جميلة يا شوشو , وحنينه فعلا .. اشكرك , وتقبلي تحياتي و إحترامي ...

al7afe كتب:

سؤال يادكتور صلاح
ايه السؤال الي خايف اسئلهولك
وايه السؤال الي نفسك اسئلهولك

أيه يا مستر الحافي .. هو انت تغيب عننا اكتر من يومين ، وجاي تسألني السؤالين دول ؟؟

أنت خدت الأجازه دي عشان تفكر في السؤالين ؟؟ أوكي , حاجاوبك ...

1 - السؤال اللي خايف تسألهوني : مافيش .. أنا مستعد ليك لأي سؤال وانا مابخافش من حد ههههههههه.

2 - السؤال اللي نفسي تسألهوني : ايه رأيك لو نعمل لقاء سنوي لاعضاء منتدانا العائلي ده , نتقابل فيه ,

ونتعرف على بعض لايف .. لان ده أكيد حايزيد التواصل بيننا .. أنا فكرت في الفكرة دي و عرضتها على

باندة , واتفقنا تعرضها على الجميع .. بس بمناسبة سؤالك , انا فتحت معاك الفكرة .. ممكن نخطط لها و نشوف

إزاي نطبقها لو الجميع وافق عليها ...ايه رأيك إنت ؟؟؟؟

المهم انك وحشتنا اليومين اللي فاتوا .. افتقدناك كتير .. ومستنيك تقعد على الكرسي , أخد تاري منك !!!!!!!

أهلا بعودتك الميمونة

...

سارة 90 كتب:

دكتورنا الغالي

ممكن سؤال بسيط
مين مطربك المفضل ؟؟
ومطربتك المفضلة ؟؟
وبتحب مين من الممثلين والممثلات ؟؟
وبتحب السينما اكتر ولا التليفزيون ؟؟
واي نوع من الافلام تحب الافلام الرومانسية ولا ايه؟؟

ومنور يادكتور على الكرسي؟؟

أختنا سارة الغالية .. انا كنت مستني أي اسئلة فنية , لان ميولي فنية , وخصوصا الموسيقية و الغنائية ..

واليكي إجابات اسئلتك ..

1 - مطربي المفضل : عبد الحليم حافظ - محمد عبد الوهاب .
2 - مطربتي المفضلة : أم كلثوم - نجاة .
3 - أحب اتفرج على الافلام السينمائية داخل دور السينما , أكتر من أني أتفرج عليها أمام التليفزيون .
4 - مش أحب , بل أعشق الأفلام الرومانسية .
5 - من الممثلين : أحب رشدي أباظة - أحمد زكي
من الممثلات : أحب سعاد حسني - زينات صدقي ( باحبها أوي )

أشكرك جدا على أسئلتك الظريفة ... وتقبلي تحياتي ..

shosho كتب:

وانا طبعا معاك يا دكتور صلاح
يا الحافى يا بلاش
والمرادى حصمم ان هو اللى يتكتف على الكرسى
ههههههههههههههههههههههههه
عشا كل اللى عندة سؤال من العيار التقيل
يسأله بقلب جامد

الحافى

الحافى

الحافى

الحافى

الحافى

عايزك يا شوشو تحضري كام سؤال للحافي تطلعي فيهم اللي فات واللي جاي ...

ولا اقوالك , كفايه اللي فات بس , ماهو الحافي مش غريب , برضه منا و علينا ههههههههههههه .

al7afe كتب:

فرحانة اوي ياختي ؟؟
وبعدين مش لوحدك ترشحي وتختاري
لازم يبقى الاختيار من اكتر من واحد دا اولا
ثانيا لو قعدت هعد بمزاجي يعني مش متكتف
ولو هتعمليلي مذيعه وتسئليني اسئله محرجة
مش حرد وكل شوية اعملك فاصل ونواصل
في ايه ياعمنا صلاح
في ايه يادكتورنا ياحبيبنا يابتاع المغنسيوم والبوتاسيوم
يعني شوشو هي الي كلامها ماشي في البلد
برضو انا الحافي صحبك ودي مشكلتي ديما بصاحب
العاطفيين والحنينين وباكل على دماغي
بص يادكتور انت لسه باقيلك على الكرسي يومين يعني متستعجلش
وخد السؤال ده اتسلى بيه
افرض مراتك كتفتك على كرسي زي دا وقعدت تقرر وتسئل فيك
بذمتك بذمتك امانة عليك تقول الحق
كم نسبة الصدق الي هتقوله
وخد الوردة دي عشانك
واوعى تزعل مني
انا بحبك جدا
بس وديني هتعملي فيها
رومنسي وتديها شوشو
هزعل منك جدا
ومش هجبلك ورد تاني
يلا خد
خد
ماتتكسفش
انا برضو صاحبك
وحبيبك
الحافي

انا كتبت رد و بعته , مش عارف راح فين ؟ على كل حال حكتب غيره ,,

انا ما استحملش انك تكرهني , عشان كده يا حبيبي ، انا شايلك بوكيه

ورد غيره ليك , عشان ما تقولش أني رومانسي بس مع الجنس اللطيف ,

أهو انا رومانسي مع الجنس الخشن .. لسه حاتكرهني ؟؟؟؟

قمر المنتدى كتب:

مرحبا بك على الكرسي يا دكتور السلحدار
سؤال واحد بس
انت بتقول انك عندك حوالي 50 سنة
اي فترة من عمرك كانت هي احسن الفترات التي مريت بيها في حياتك ؟
وهل تتمني ان تعيش هذه الفترة مرة اخري؟؟؟؟؟؟؟؟

اسف جدا يا قمر .. انا متاكد اني رديت علي سؤالك .. وازاي الرد مش موجود .. يمكن انا ما اخدتش بالي وبعد ما كتبته
ما ارسلتوش .. مش عارف .. الله يكرمها توتا الحلوة نبهتني لده وطلبت مني الاجابه عليه بالأضافة لسؤالها .. وجاوبت
عندها .. واليكي كمان اجابة سؤالك وياريت تسامحيني ..

أحسن فترات حياتي فترتين :
الاولى وانا طالب في الجامعة .. ماكانش فيها اي مسئولية .. كلها لعب وفسح وسهر وانطلاق كامل مع اصدقاء الدراسة ...
الثانية في الفترة من سنة 1985حتي 1990 واللي كنت فيها في الجزائر .. بلد روعة .. عشت فيها ايام جميلة جدا , عشت
فيها اجمل قصة حب وكانت حاتنتهي بالزواج , لكن الله لم يرد .. وبعده تعرفت على زوجتي وحبينا بعض و ارتبطنا بالزواج ...
اما الفترة اللي اتمنى اعيشها مرة اخري , فهي الفترة الاولى , للاسباب اللي قولتها فوق ....

توتا الحلوة كتب:

دكتور السلحدار العزيز اوي على قلوب اعضاء المنتدى

انا لي سؤالين

الاول كان نفسي اعرف اجابة اسئلة كليوباترا
بس حضرتك ما رديت عليها
ليه مش رديت عليها ؟؟؟؟؟
منور يادكتور الكرسي

وردودك منورة الصفحات

انا لية سؤال مركب شوية

كم بنت لديك وكم ولد ؟

وايهما اقرب الى قلبك ؟

وما الذي يعجبك في شخصياتهم ؟

وما الذي لا يعجبك في شخصياتهم ؟

وهل هم مثلك يحبون العلم ؟

واشكرك يادكتور يالذيذ

======================

والشؤال الثاتي
ليه مش رديت على سؤال قمر المنتدى؟؟؟؟؟؟؟
مرحبا بك على الكرسي يا دكتور السلحدار
سؤال واحد بس
انت بتقول انك عندك حوالي 50 سنة
اي فترة من عمرك كانت هي احسن الفترات التي مريت بيها في حياتك ؟
وهل تتمني ان تعيش هذه الفترة مرة اخري؟؟؟؟؟؟؟؟



اما انا لي سؤال اخير

ما الالوان التي تحبها في ملابسك ؟؟؟وايه اللي ما تحبوش من الالوان في ملابسك؟؟؟؟

صباح الخير يا توتا .. مش عارف ازاي اشكرك انك نبهتيني اني مارديتش على اسئلة كليوباترة , وقمر المنتدى ,
مش عارف ازاي ده حصل , أكيد ما اخدتش بالي , لاني مش متعود اتجاهل اي حد وخصوصا انتم ,, ياريت يسامحوني.
وحجاوب على الاسئلة بتاعتكم :

1 - عندي ولد و بنت , فادي في ليسانس اعلام جامعة عين شمس .. ولينة تانيه ثانوي .. و الاتنين قريبين من قلبي ,
بس لينة يمكن عشان بتقعد معايا اكتر, وفادي مع صحابه دايما , لينة أقرب شوية وكمان البنت أحن وعاطفية اكتر ....
- أما اللي بيعجبني في شخصية فادي : ان فادي مؤدب حنين ومش بجح زي ما انا بشوف الايام دي .. وبيسمع اي كلام او طلب اطلبه منه
واللي مش بيعجبني فيه : انه بيذاكر بالعافية و بالزق .. طول الوقت ادام الكمبيوتر ..ادمان كمبيوتر !!!!!
- واللي بيعجبني في لينة : حنينة اوي ..عارفه مصلحتها جدا .. بتذاكر لوحدها و مش بتحتاج لأي تنبيه لها في كده .. ومرحة جدا .
واللي مش بيعجبني فيها : انها عصبية جدا .. غير كده مافيش عيب عندها .
- فادي مش بيحب العلم خالص .. وماعندوش ميول لحاجه معينه .. بس كويس فى اللغة الانجليزية ..
اما لينة ..بتحب العلم ومتفوقة في دراستها .

2 - أحسن فترات حياتي فترتين :
الاولى وانا طالب في الجامعة .. ماكانش فيها اي مسئولية .. كلها لعب وفسح وسهر وانطلاق كامل مع اصدقاء الدراسة ...
الثانية في الفترة من سنة 1985حتي 1990 واللي كنت فيها في الجزائر .. بلد روعة .. عشت فيها ايام جميلة جدا , عشت
فيها اجمل قصة حب وكانت حاتنتهي بالزواج , لكن الله لم يرد .. وبعده تعرفت على زوجتي وحبينا بعض و ارتبطنا بالزواج ...
اما الفترة اللي اتمنى اعيشها مرة اخري , فهي الفترة الاولى , للاسباب اللي قولتها فوق ....


أما سؤالك عن الالوان اللي بحبها في ملابسي : اللون اكحلي و البيج والأسود
اما اللي لا احبها فهي البني و الاخضر ...

kliobatra كتب:

منور يادكتور الكرسي

وردودك منورة الصفحات

انا لية سؤال مركب شوية

كم بنت لديك وكم ولد ؟

وايهما اقرب الى قلبك ؟

وما الذي يعجبك في شخصياتهم ؟

وما الذي لا يعجبك في شخصياتهم ؟

وهل هم مثلك يحبون العلم ؟

واشكرك يادكتور يالذيذ

الاخت العزيزة كليوباترة .. مش عارف ازاي اتأسف ليكي اني ما رديتش على سؤالك في حينه .. الله يكرمها توتا الحلوة
انها هيا اللي نبهتني لكده .. انا مش عارف ازاي ده حصل لاني مش متعود اني اتجاهل اي سؤال , وخصوصا منكم ..
والحكايه دي حصلت مع قمر المنتدى .. الظاهر ان الواحد خلاص كبر و بأه يهنج هههههههههههههههههههههههه

وانا جاوبت على سؤالك وسؤال قمر عند توتا لانها كانت عايزاني اجاوبهم بالاضافة لسؤالها ... بس برضه اليكي رد سؤالك :


صباح الحير يا توتا .. مش عارف ازاي اشكرك انك نبهتيني اني مارديتش على اسئلة كليوباترة , وقمر المنتدى ,
مش عارف ازاي ده حصل , أكيد ما اخدتش بالي , لاني مش متعود اتجاهل اي حد وخصوصا انتم ,, ياريت يسامحوني.
وحجاوب على الاسئلة بتاعتكم :

1 - عندي ولد و بنت , فادي في ليسانس اعلام جامعة عين شمس .. ولينة تانيه ثانوي .. و الاتنين قريبين من قلبي ,
بس لينة يمكن عشان بتقعد معايا اكتر, وفادي مع صحابه دايما , لينة أقرب شوية وكمان البنت أحن وعاطفية اكتر ....
- أما اللي بيعجبني في شخصية فادي : ان فادي مؤدب حنين ومش بجح زي ما انا بشوف الايام دي .. وبيسمع اي كلام او طلب اطلبه منه
واللي مش بيعجبني فيه : انه بيذاكر بالعافية و بالزق .. طول الوقت ادام الكمبيوتر ..ادمان كمبيوتر !!!!!
- واللي بيعجبني في لينة : حنينة اوي ..عارفه مصلحتها جدا .. بتذاكر لوحدها و مش بتحتاج لأي تنبيه لها في كده .. ومرحة جدا .
واللي مش بيعجبني فيها : انها عصبية جدا .. غير كده مافيش عيب عندها .
- فادي مش بيحب العلم خالص .. وماعندوش ميول لحاجه معينه .. بس كويس فى اللغة الانجليزية ..
اما لينة ..بتحب العلم ومتفوقة في دراستها .

ياريت يا كليوباترة تسامحيني ..ومش حرتاح الا لما تقوليلي سامحتك ..

اصدقائي واحبائي جميع اعضاء منتدانا الجميل ..

من اول يوم وانا في المنتدي كعضو . وانا اعيش فيه اجمل واخلى الاوقات .. لاني حسيت اني في مكان مختلف

فيه روح الاسرة الواحده .. و استمرت الايام وكل يوم تزداد سعادتي ..لغاية ماجت فكرة الحافي العبقرية بخصوص

كرسي الاعتراف .. وسعدت بها جدا , لغاية ما فوجئت بترشيحكم لى أن أكون أول الجالسين على الكرسي ..

فوصلت سعادتي لقمتها .. اشكركم جدا انكم اتاحتوا ليا فرصة اني اتعرف على كل اللي في المنتدي من خلال الاسئلة ,

و الاستفسارات المطلوب توضيحا .. فرصه ماكان ممكن تكون موجوده لولا الانسان الجميل الحافي .. فعلا كان اسبوع

من اجمل ايامي .. كنت جالس على الكرسي كاني جالس على كرسي عرش مملكة .. شعور رائع .. كنت أقرا اسئلتكم بحب

و فرحة .. وربنا يعلم ,كنت في منتهى الصراحة في اجاباتي .. ومرت الايام سريعة , وكنت اتمنى ان عقارب الزمن تتوقف ,

عشان استمر اطول فترة على الكرسي الجميل , لكن الساعة استمرت في عملها الروتيني .. كمان الحافي طلع ذكي جدا لانه جاب

كرسي قاعدته تيفال , اللي يقعد عليه مش ممكن يلزق فيه ..هههههههههههههههههههههههههه . وخلال الاسبوع ده , تحاورنا ,

وتناقشنا , وعرفنا بعضنا اكتر.. انا عرفت اعضاء ماعرفتهمش قبل كده ولا جت فرصة لكتابة تعليقات منهم ليا أو العكس ,

وسعدت بيهم جدا ..

أشكركم مرة تانية , وبأذن الله يستمر التواصل مع الجميع مستقبلا ....

اما عن ترشيحي العضو التالي للجلوس على كرسي الاعتراف ..فأنا أوافق باندة و الحافي على ترشيح أمير الحب ,

فهو إنسان جميل له نشاط واضح وعلامة مميزة من علامات منتدانا العائلي الجميل .....

وتقبلوا مني أرق تحياتي و امنياتي لكم بالتوفيق و السعادة .....