الحافي على الكرسي

تذكير بمساهمة فاتح الموضوع :

ماشي ياشوشو
هقعد على الكرسي بس عشان باندتنا متزعلش ومحبش كمان اكسر كلام دكتور صلاح
ودي قعده ووروني شطارتكم في الاسئله
وانتي يافالحه ياشوشو هتعرفي تسئلي ولا اعلمك

ياحافي

انا ما نقصت من ردودك ولا حرف ولا نقطة

بس اشفقت عليك اني اعمل رد منفصل

واقولك تعليقي على السؤال الاول كذا

والثاني كذا

كنت كل شوية هتفضل طالع تحت نازل فوق

زي مكوك المكنة

قلت اريحك واكتب تحت كل رد تعليق

بس كدة

دة جزائي لاني حبيت اريحك

اوك بعد كدة هتعبك واكتب رد منفصل

اوك

وبعدين انا مش بحب كلمة اسيب المنتدى دي

اوعي تقولها تاني

هو احنا نعرف نعيش من غير رخامة

ههههههههههههههههههههه

البرنس كتب:: ليه ياحافي كدا حد يقول للقمر قوم من ادام وشي

ههههههههههههههههههههه
معلش معلش ياشوشو امسحيها في وشي

شفت بقى انا مظلومة ازاى

بانـــــــــدة الإسكندرية كتب:: ياحافي

انا ما نقصت من ردودك ولا حرف ولا نقطة

بس اشفقت عليك اني اعمل رد منفصل

واقولك تعليقي على السؤال الاول كذا

والثاني كذا

كنت كل شوية هتفضل طالع تحت نازل فوق

زي مكوك المكنة

قلت اريحك واكتب تحت كل رد تعليق

بس كدة

دة جزائي لاني حبيت اريحك

اوك بعد كدة هتعبك واكتب رد منفصل

اوك

وبعدين انا مش بحب كلمة اسيب المنتدى دي

اوعي تقولها تاني

هو احنا نعرف نعيش من غير رخامة

ههههههههههههههههههههه

بس لو مكنتيش بانده الي مقامها كبير عندي كنت عضيتك
بس عارفه تعليقاتك على الموضوع عسل بجد
بس غاظتني ودحكتني كمان

حبيب قلبي بدر ( الحافي ) .. انا أسعد الناس اني أكون ومن أقرب الناس الي قلبك ...

كل اجوبتك على شوشو عجبتني جدا ودمها خفيف أوي , وده مش جديد عليك ....

بس اللي استوقفني من كل إجاباتك , هو إجابتك على سؤالها : تقول أيه لإبليس ؟

فهمت من إجابتك إنك عملت حاجات كتير , خلاك مش عاوز تشوف وشه ...

أحكيلنالنا بأه يا خفيف مغامراتك اللي عملتها بسببه .. ولا تأولها بيني وبينك في

السعودية .. و متخافش , لما تحكيلي على انفراد , مش حأول لاي حد في المنتدي

مين اللي حكالي المغامرات دي .... حأولك فكره تانيه .. ايه رايك تحكيها عادي

وتأول انها حصلت لواحد صاحبك .. أيه رأيك , بكده ماحدش حيعرف انك بطل

المغامرات دي ... بس بقولك ايه ؟ لومش مغامرات نسائية , بلاش تحكي حاجه ,

مش حيكون ليها طعم ولا وحيكون فيها تشويق و سسبنس ههههههههههههههههه

حبيب قلبي الحافي
انت مزنوق ياصاحبي والناس دي حطينك في رحاية وعمالين يطحنوا فيك
انا حكون رحيم بيك اوي وهسالك شوية اسئلة خفيفة
شوف اول سؤال :
ليه انت بتحب الغلاسة
شوف السؤال الثاني
من أنت فيما لا يقل عن 10 أسطر ؟
شوف الثالث
انت مخلوق ذكر فما رايك لو كنت اتخلقت انثى فماذا سيكون شعورك وكيف كنت تتصرف ؟
شوف الرابع
هل انت تمارس اي نوع من انواع الرياضة؟
شوف الاخير
ما هو اكثر موقف محرج احرجتك فيه انثى ؟ ملحوظة الاجابة لازم تكون بصدق وبدون هزار؟
بس خلاص شوفت انا حنين ازاي
good bye 7afe

السلام عليكم

ازيك ياحافي عامل ايه على الكرسي

اظن القاعدة على الكرسي بتخلي الدماغ صاحي

وتلاقيك بتحلم بالليل بكرسي الاعتراف

ياعم انا حكون حنين زي ميرو وحسالك اسئلة بسيطة اوي اوي

السؤال الاول

عندك كام صديق ومين فيهم المقرب الى قلبك

السؤال الثاني

ماذا يمثل لك منتدى الاميرة

السؤال الثالث

بتحب الاطفال

السؤال الرابع

ناوي تتجوز ولا عامل اضراب

السؤال الخامس

ما احب فترة مرت بحياتك هل هي طفولتك ام شبابك او ماذا

هي دى اسئلتى حلوة ولا ايه

اولا ازيك يادكتور صلاح وحشتني بجد
ويارب توصلنا بالسلامة طلابك محتاجينك
والجامعه مستنياك على احر من الجمر
سؤالك جميل وبيدل انك سوسة هههههههه
معلش معلش بهزر معاك يادوك وده من محبة طبعا
بص ياسيدي ابليس لعنه الله مخلاش حد واهو احنا بنحاربه
بذكر ربنا وقراءة القران والدوام على الصلاة
بس باينله الايام دي متطعم من الحاجات دي كلها
وعامل شغل جامد يعني فاأكيد الخلل مش في
الاذكار بتاع ربنا الخلل فينا عشان قلوبنا وعقولنا انشغلت
في الدنيا
عموما بالنسبالي ابليس ده ميخلينيش اصلي الصبح حاضر
وفي الجامع بصحى على الضهر وبصلي الصبح مع الضهر
وحاجات كتير بيعملها معايه وبيسهلهالي عشان انجرف معاه
وانا طبعا مش معصوم ولا ملاك فعادي لمن يبئالي انحرفات بسيطه
وكل مااقول خلاص حتوب يرجع يزن في دماغي وتحصل تاني وتالت
وكل مرة اتوب وارجع تاني بس المرة دي بينلها توبة نصوحة لاني اول
قرار اخدته شلت الهوت بير من الدش وبئيت النايل سايت بس
وحذفت البروكسي الي في جهازي الكمبيوتر علشان متفتحش مواقع اباحية
وشلت اي رقم من موبايلي مش للراجل بس باقي اصلي الصبح حاضر
واهم حاجة بئيت احب ربنا جامد علشان يحبني لانه ربنا لمن بيحب حد بيوفقه
للخير وبس ياابوالكيميا دي كل حاجة قلتهالك بكل صراحة واهو انا بسعى وربنا الموفق

حبيب قلبي الحافي
انت مزنوق ياصاحبي والناس دي حطينك في رحاية وعمالين يطحنوا فيك
انا حكون رحيم بيك اوي وهسالك شوية اسئلة خفيفة
قبل ماتسئلني انا فرحان جدا انك اخيرا نطقت ياميرو وبئيت بتسئل زي كل الاعضاء
لانه بجد كان نفسي انت تسئلني احمد ربنا انك اخيرا بئيت عضو ناطق
ويلا على الاسئلة

شوف اول سؤال :
ليه انت بتحب الغلاسة
دي هواية والحاجة الوحيده الي انا فالح فيها
بس لو فكرنا شوية ممكن دراسة الشخصية الي قدامك من خلال غلاستك
هوضحلك اكتر عشان تتعلم مني الغلاسه وازاي تستفيد منها
انت لو عايز تعرف حد لازم تعرف ردة فعله من غير مايكون في كنترول على ردة الفعل
ولو عايز تاخده على طبيعته نرفزه واترخم عليه ساعتها هيديك ردة فعل طبيعيه مفيهاش تمثيل او مجامله
وتعرف شخصيته من خلال تلقائيته باينلي برغي ولا انت هنا ياعم هات السؤال الي بعده

شوف السؤال الثاني
من أنت فيما لا يقل عن 10 أسطر ؟
انا انسان بسيط مش محتاج تكتب عنه عشرة اسطر انا يادوب نص سطر يكفيني
بس علشان خاطر عنيك وعلشان بحبك هكتبلك الي اقدر عليه
هحكيلك عن شخصيتي انا من الناس سهل انك تنرفزه وعصبي جدا وبولع زي عود الكبريت
بس طيب جدا وصح بعصب بسرعه بس بهداء بسرعه كمان عاطفي جدا ممكن اعيط لو شفت
منظر يحزن ولا مفطع مؤثر محبش النكد احب المرح والهزار والنكته والافشه
بالرغم اسلوبي غلس ورخم واستفزازي بس حساس جدا فوق التصور ممكن كلمه عابرة تغير مجرى حياتي
الحمد لله ناجح في حياتي في عملي وفي دراستي بالرغم عشت حياة قاسية مش من الناحية الماديه
لاني من عائلة ميسورة بس اتربيت وحيد وانطوائي بحكم وفاة والدي ووالدتي وانا صغير تكقل بتربيتي
اخي الكبير لحد بلغت 16 سنة وبعد كدا سافرت ودرست وخلصت جامعه وبكمل الماستر بس عايش لوحدي
حتى صارت الانطوائية طبيعتي لو حد عرفني في المنتدى وعرفني على طبيعتي هيلاقي شخصيتين متناقضه
بس دالوقت بئالي صحاب كتير وخرجت من عزلتي بحكم عملي في البنك وطبيعة الشغل
افتكر كدا عديت العشرة الاسطر

شوف الثالث
انت مخلوق ذكر فما رايك لو كنت اتخلقت انثى فماذا سيكون شعورك وكيف كنت تتصرف ؟
بص ياميرو انا بجد نفسي ابقى انثى لمدة اسبوع ومتفكرش غلط بس عشان عايز اعلم كل انثى
ازاي تبقى انثى بحق وحقيق وديني وحياة ربنا ياميرو لعمل عمايل اخلي جوزي مايرحش الشغل
هدلعه وهشكه والعب في ام دماغه اخليه يتجنن ينزل الشارع شايل علم فيه صورتي ويهتف بااسمي
ومش بس كدا دنا هلبسله لبس واتميص مياصه دا لو طلبني اجبله حاجه هجبهاله في سنه همشي
على طراطيف صواببعي هدلع حمشيله حبه تحت حبه فوق هخليه يقعد يصورني في موبايله وانا رايحه
وانا راجعه هقعد جنبه ريحتي برفانات هرسمله بصباع الروج شفايف على حيط الشقه في كل الاوض
هخليه طول منا قدامه عمر ماعينه هترمش بعيد عني حقعد جنبه ابص في التلفزيون وهو باصص فيا

شوف الرابع
هل انت تمارس اي نوع من انواع الرياضة؟
انا بمارس التزلج على الجليد والرقص الايقاعي والباليه هههههههه لالالا بجد بجد انا العب
كورة وسباحة ومحترف شطرنج

شوف الاخير
ما هو اكثر موقف محرج احرجتك فيه انثى ؟ ملحوظة الاجابة لازم تكون بصدق وبدون هزار؟
حصلي موقف بايخ في الشغل وكنت هترفد من البنك بسببه لو مش المدير بتاع البنك صاحب اخويا
قفل على الموضوع وكتم عليه..... الموقف ياسيدي ليا صاحب زميلي في الشغل اسكندراني عزيز عليا جدا
يعني انا وهو زي الاخوات الحمار ده بحكم علاقتي معاه ومش بنخبي على بعض حاجة بعتلي على ايميل
الشغل صورة بنت مش لابسه اوي يعني قمت رجعتله الايميل علشان مش عايز حد يشوفها عندي
خصوصا اني رئيس قسم بس من ربكتي بدل ماارجعله الصورة رجعتها بالغلط لموظفه عندنا عملت معاها
مشكلة بسبب الشغل قبل الواقعه دي علشان كانت بتغيب كتير في الشغل حضرتها انتهزت الفرصة دي
واحتفظت بالصورة وعايزه تمسكها زلة عليا وجت تلمحلي عشان مفتحش بقي حتى لو غابت
سبق قلتلك انا عصبي وميعجبنيش الحال المايل شتمتها تاني وهزئتها وقلتلها اعملي الي انتي عيزاه
لاني لو استمريت انا رئيس قسم عليكم مش هخليكي تستمري في البنك طبعا ردت فعلها انها بعتت
الايميل لمدير البنك مدير البنك نده عليا طبعا عايز يسئلني ليه حاطط الصورة في ايميلي وليه بعتها ليها
الموقف الصعب اني مش هقدر اقول صحبي هو الي بعتها وانا جيت ارجعها رجعتها بالغلط ليها
لانه لو قلت عليه طبعا هيترفد وهيرجع مصر تاني وهو كان هيموت لحد ماجتله الفيزا والوظيفه دي
ولو قلت بتعتي موقفي وصورتي قدام المدير هتبقى مهزوزة وطبعا هتتغير نظرته ومش هترقى بعد كدا
فبل مااروح للمدير كتبت استقالتي ودخلت عليه سئلني المدير طبعا السؤال المتوقع قلتله انا مش هرد
على حاجه معرفش حاجة عنها ودي استقالتي ومش عايز اكمل معاكم سئلني ليه قلتله مدام وصلت الامور
اني اقوم من عند جهازي علشان اصلي ارجع الائي حد باعت ايميل وسخ من جهازي يبقى بنك مش محترم
قالي معقوله متعرفش حاجة على الايميل قلتله انت اكتر واحد تعرفني ممكن تحصل حاجة زي كدا مني
قالي انا مستغرب وقلتله انا مستغرب اكتر منك مين الي بعت وليه بعد كدا اتقفلت المشكله وربنا ستر

بس خلاص شوفت انا حنين ازاي
ربنا يخليك يحنين

good bye 7afe
مع السلامة ياميرو

السلام عليكم
ازيك ياحافي عامل ايه على الكرسي
اظن القاعدة على الكرسي بتخلي الدماغ صاحي
وتلاقيك بتحلم بالليل بكرسي الاعتراف
ياعم انا حكون حنين زي ميرو وحسالك اسئلة بسيطة اوي اوي
الحمدلله يانسرنا ياذهبي ومتشكر على سؤالك عني والقعده معاكم بتخلي الدماغ صاحي
وفرش على طول واسئلتكم بتعمله ابديت بس انا بجد فرحان اني شفتك واتشرفت بمعرفتك
ويارب اكون عند حسن ظنك في اجاباتي

السؤال الاول
عندك كام صديق ومين فيهم المقرب الى قلبك
كتييييييييييير اقربهم زميل مصري في الشغل بعتبره حبيب قلبي لانه بجد اخ اكتر من صاحب

السؤال الثاني
ماذا يمثل لك منتدى الاميرة
منتدى الاميرة عيلتي الي بحبهم وبزعل من زعل اي عضو وبفرح من فرح اي عضو في المنتدى
والاعضاء الموجودين فيه خلقو بينهم ترابط جميل يارب يدوم

السؤال الثالث
بتحب الاطفال
هحبهم بعد خمس سنين

السؤال الرابع
ناوي تتجوز ولا عامل اضراب
تصدق دا اصعب سؤال واجهني في كرسي الاعتراف بس هجاوب عليه
انا الحمدلله قادر اتجوز دالوقت يعني ممكن تقول عليا عريس جاهز بس
عايز اتجوز عن حب وعايزها تحبني موت يعني مش عايز جواز تقليدي
عشان مش عايز اتظلم بوحده رخمه ونفس الوقت مش عايز وحده تتظلم معايا
يعني لازم تبقى عرفاني كويس بمميزاتي وعيوبي وانا نفس الشي لو اتوفقنا
هتجوز وايه الي هيمنعني مش ناقص ايد او رجل

السؤال الخامس
ما احب فترة مرت بحياتك هل هي طفولتك ام شبابك او ماذا
احلى فترة في حياتي دالوقت لاني مشيت صح على الخطة الي كنت حاططها لنفسي
لانه من اهم شروط النجاح والسعاده والحياة الهادئة انك تحط لنفسك هدف وتحاول توصل هدفك
يعني لمن عمرك مثلا 18 لازم تقول لنفسك انا لمن ابقى 20 لازم يكون حققت كذا وكذا
ولمن ابقى 22 سنه لازم يكون حققت الحاجة الفلانية وطبعا كلو بتوفيق ربنا

هي دى اسئلتى حلوة ولا ايه
اسئلتك عسل يانسر وحلوة زيك وشكرا ليك
انك شاركتني كرسي الاعتراف

اعلان هام

باقيلي معاكم في كرسي الاعتراف يومين يعني يوم السبت هيكون اخر يوم ليا وبعدها هتغيب
عن المنتدى اسبوعين لاني هنزل القاهرة بعد يومين وهبقى مشغول هناك
فعلى جميع الاعضاء من لديه اسئلة في كرسي الاعتراف امامه يومين فقط
وستكون بعدي بانده على كرسي الاعتراف وحظها اني مش هكون موجود في المنتدى

بصراحة كنت محضرة لك شويه اسئله

بس قلت كفايه كده يا بخت من زار وخفف

وطبعاً انا كنت اخف رائر على قلبك

تحياتى لك واحترامى اخى العزيز بدر

اختك شيمو

[b]

شيمو كتب:: بصراحة كنت محضرة لك شويه اسئله

بس قلت كفايه كده يا بخت من زار وخفف

وطبعاً انا كنت اخف رائر على قلبك

تحياتى لك واحترامى اخى العزيز بدر

اختك شيمو

[b]

ننا ننا ننا ننا ننا

اخوكي الحافي الحافي على الكرسي - صفحة 2 113302

تنور القاهرة يا حافي
ومنورة باندة بعدك في كرسي

بجد بجد هنشتاقلك جدا ياحافي
ربنا يرجعك بالسلامة
ياابن بلدي

والله والله يا حافي سفرك وبعدك عننا اسبوعين كاملين حيترك

معانا فراغ رهيب .. انا مش عارف اعاكس في مين واناغش في مين

فعلا يا حافي , انت ركن ركين في منتدانا الغالي يا غالي ..

ربنا يوفقك و ترجع لنا بالسلامة ... سلملي على مصر و حبايب مصر

ربنا يرجعك لمنتدانا بالسلامة
لان فعلا غيابك مأثر فينا
بس خليك فى مصر عشان تنور اكتر
مع السلامة واتمنالك كل التوفيق

بالسلامة تروح وترجع بالسلامة

بالسلامة تنور مصر وترجع تنور الاميرة

اشتقنالك قبل ما تسافر حتى

ومش عارفين نعمل ايه من غيرك اسبوعين كاملين

بس مكانك محفور في قلوبنا ياحافي

لا اله الا الله

تروح وترج بالسلامه يا حافي

حتوحشنا وعلى راي اخي صلاح

يعني بغيابك الاعضاء حيعاكسوا مين

ربنا يصبرهم على ما ترجع بالسلامه

اسبوعين بس يا حافي احنا بنعدلك اوعى تتاخر

بعد الاسبوعين حتدفع غرامه

بالسلامه يا رب

تروح وترجعلنا بالسلامة يا حافي
غيابك ماثر فينا جدا فين ردودك الجميلة
بس تنور مصر

» ياسر على الكرسي يااعضاء الامير
» سر آية الكرسي
» كليوباترا على الكرسي
» امير الحب على الكرسي
» دكتور السلحدار على الكرسي